افغانستان اسلام امیرلیگی ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع بوگون توشدن آلدین کابل نینگ ارغندی منطقه‌سی نینگ بیر قنچه بویوکلری بیلن ارگ ده کوریشیب اوچره شدی.
دستلب مذکور قوم نینگ بویوکلری نماینده لیگیده حرمتلی حاجی محمد ظریف ارغند و داکتر ملک سورگل صحبت قیلیب، افغانستان اسلام امیرلیگی بیلن هر قنده‌ی همکارلیک و حمایت قیلیش دن و عده بیردیلر.
شونینگدیک اولر اسلام امیرلیگی ٰآرقلی مملکت نینگ تورلی منطقه لریده ییریک ترقیات پروژه لر باشلنگنیدن خوشلیک اظهار قیلیب، ارغندی منطقه‌سیده مکتب لر و مدرسه لر، ساغلیقنی سقلش کلینیکلر، برق و سوو سیستمی قوریلیشی بولیمیده پروژه لر عملگه آشیریلیشی و باشقه ایستکلرینی شریک قیلدیلر.
کیینچه لیک حرمتلی داکتر ملا عبدالواسع جنابلری اولرنی خوش کیلیب سیزلر دیب، بوتون مملکت ده سوو توغانلری و یوللرنی قوریش قوشیمچه ییریک پروژه لرنینگ ایش جریانیده و اسلام امیرلیگی برچه پروژه لرنی ایچکی درآمد حسابیده عملگه آشیره‌دی دیدی.
ریاست الوزراء عالی مقامی عمومی دفتری باشلیغی نینگ کوپه یتیریشیچه، قیینچیلیکلرنی حل قیلیش و افغانستان قیته قوریلیشی توغریسیده ملت و امارت نینگ مشترک همکارلیگی بار و اولویتلرنی نظرده توتگن حالده ایشلر بجریله‌دی.
ریاست الوزراء عالی مقامی عمومی دفتری باشلیغی ارغندی منطقه‌سی نینگ اوشبو بویوکلریگه، امکانیت چوکاتیده اسلام امیرلیگی ایستک و پیشنهادلرینگیز کوریب چیقه دی دیب اطمینان بیردی.#
