افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی عالی کمیسیون اعضالری، مهاجرلر قیینچیلیگینی تیرگش عالی کمیسیون کمیته مسووللری، ننگرهار ولایتی والیسی و محلی مسووللر اونی یولداشلیک قیلگن بیر پیت ده تیناوون تورخم ده عمری کمپینی باریب کوردی.
کوریب چیقیش ده حرمتلی مولوی عبدالسلام حنفی مهاجرلر قیینچیلیگینی تیرکش عالی کمیسیون کمیته لر باشلیغلری بیلن ییغین اوتکزیب کمیته لر ایش جریانینی تیکشیریب و جبری چیقاریلگن مهاجرلر وضعیتینی یقین دن کوردی.
شونینگدیک مهاجرلر وضعیتینی مسووللر بیلن شریک قیلیب ایتیشیچه، عالیقدر امیر المؤمنین حفظه الله تعالی شامل حرمتلی رییس الوزراء، اورین باسرلری، وزیرلر و اسلام امیرلیگی نینگ برچه مسووللری مهاجرلرگه امکانیت تیارلش و اولرنی شرف و عزت بیلن یشش منطقه لریگه ییتکزیش بولیمیده تلاش قیله میز و آسانلیکلرنی یره تیب و اولرگه یخشی خذمت کورسته میز.
مهاجرلر قیینچیلیگینی تیرگش عالی کمیسیون باشلیغی قوشنی مملکت لردن افغان مهاجرلری جبری چیقاریلگنی باره سیده صحبت قیلیب، قوشنیلریمیز مهاجرلرنی آزار و اذیت قیلیش و اولرنی غیر اصولی چیقاریشیدن خوددارلیک قیلیشی کیره ک دیدی.
شونینگدیک او بیرلشگن ملتلر تشکیلاتی مهاجرلرنینگ حقوقی تامین بولیشی توغریسیده اوزی نینگ مسوولیتینی بجریشنی سوره دی و ایچکی همده تشقریده گی افغان ملی تاجرلریدن بوندی بیر حساس زمانده ایناغه مهاجرلری خصوصیده اوز مسوولیتلرینی بجریشنی سوریب امکان قدر اولرگه یاردم کورستیشلرینی طلب قیلدی.
حرمتلی مولوی عبدالسلام حنفی نینگ اورغوله شیچه افغانستان و پاکستان ملتی نینگ تاریخی، فرهنگی، اجتماعی و دینی مناسبتی بار و مهاجرلرنی اذیت، آزار و اولرنی جبری چیقیاریش بو ایکی مملکت علاقه سیگه زیان ییتکزه دی دیب پاکستان دین عالملری همده سیاسیلریدن مهاجرلرگه ظلم بولمسلیگی اوچون بو باره سیه اوز مسوولیتلرینی بجریشنی ایسته دی.
مهاجرلر قیینچیلیگینی تیرگیش عالی کمیسیون و یولداش هیاتی بو سفرنی مهاجرلر وضعیتینی اورگه نیش اوچون بجرگنلر تاکه قیتیب کیلگن مهاجرلر قیینچیلیگنی اورگنیب تعین بولگن کمیته لرگه مهاجر وطنداشلریمیزنینگ معمالری همده احتیاجلرینی برطرف ایتیش اوچون تیگیلشی کمیته لرگه وظیفه تاپشیردیلر.
ایتیش کیره ک که بو کوزه تیش جریانیده تورت مینگ عایله سیغه دیگن اوچ مینگ جریب ییرده قاسم آباد ناملی شهرچه مهاجرلر اوچون آچیلدی، بو ییر تیزلیک ده توزیع قیلینه دی.#
