افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ اهل تشیع نینگ بیر قطار دین عالملری بیلن اوچره شیب صحبت قیلدی.
بو اوچره شووده بیرینچیدن حرمتلی استاد محمد اکبری و شیخ نعمت الله غفاری صحبت قیلیب مملکت بویلیب امنیت تامینلنگنی و اسلام امیرلیگی آرقه لی بجریلگن ترقیات لایحه لردن خوش لیک بیلدیردیلر.
اولرنینگ سوزلریگه کوره، اوتگن ییللر جریاینده گی اوروش لرده مملکت نینگ آستقورمه لری ویران قیلینگن ایدی و افغانستان ملتی آغیر زیان کورگن ایدیلر و ایندی ایسه اسلام امیرلیگی حاکمیتی آستیده نظام مستحکمله نیشی، مردم گه خدمت قیلیش و اولکه نی قوریش وقتی کیلگن و برچه میز بیر- بیریمیزگه قول بیریب بیرلیک و بیردملگیمیزنی سقله یلیک دیدیلر.
ریاست الوزراء اداری اورین باسری حرمتلی مولوی عبدالسلام حنفی اوچره شوودن خرسندلیک قیلیب، عامه خلق نینگ ذهنی یاروتیلیشی و افغانستان ملتی اورته سیده بیرلیک و بیردملیک نی مستحکملش اوچون دین عالملری نینگ آلیب بارگن سعی حرکتلریدن منتدارچیلیک قیلدی.
شونینگدیک ریاست الوزراء اداری اورین باسری افغانستان بو مملکت ده یشاوچی بیرچه نینگ مشترک اویی دیر بو اولکه نینگ قیته قوریلیشی و آبادنلیگی یولیده برچه میز بیرلیک ده تلاش قیلیشیمیز کیره ک دیدی.
حرمتلی مولوی عبدالسلام حنفی جنابلری مملکت نینگ دین عالملریدن حقیقت نی ییتکزیش و مردم نینگ آگاهلیگی آشیشی اوچون ینه بیر بار تلاش قیلیشلرینی سوره دی.
