افغانستان اسلام امیرلیگی ریاست الوزراء سیاسی اورین باسرلیگی نینگ عمومی دفتری باشلیغی حرمتلی مولوی ذاکرالله ذاکر، سابق اداره بیر قنچه مسووللری و سابق سناتور واحده ساپی گه مصؤونیت کارت توزیع ایتدی.
انه شو مناسبت بیلن اوتکزیلگن اولتیریش ده چیت ایلدن مملکت گه قیتیب کیلگن مسووللرنینگ ایتیشیچه، افغانستان رواجله نیشی و آبادانلیگی اوچون ایش قیلیشگه تیارلر اوز خلقلری بیلن بیر جایده مملکتلریده شرف بیلن حیات کیچیره دیلر.
اولرنینگ قوشیمچه قیلیشیچه، ایندی افغانلرنینگ بیرله شیش وقتی کیلگن و مملکت آبادانلیگی اوچون مشترک ایشله شیمیز کیره ک. اولرگه کوره، چیت ایلده گی بیر قنچه مسووللر و افغان شخصیتلری اولکه گه قیتیب کیلیشگه قیزیقه دیلر.
ریاست الوزراء سیاسی اورین باسرلیگی نینگ عمومی دفتری باشلیغی حرمتلی مولوی ذاکرالله ذاکر، مملکت گه قیتیب کیلگنلرگه تاکیدلب ایتیشیچه، افغانستان بوتون افغانلرنینگ مشترک اویی دیر و هر بیر افغان نینگ بو ییرده شرف بیلن مطمین فضاده ییش حقی بار دیر.
اونینگ کوپه یتیریشیچه، اسلام امیرلیگی کیلیشی بیلن عمومی عفو اعلان قیلیندی و هیچ کیمگه سابق وظیفه سی و مسوولیتی یوزه سیدن سورلمه یدی.#
