افغانستان اسلامی امارت ریاست الوزراء سیاسی معاونی حرمتلی مولوی عبدالکبیر سپیدار قصریده شمال زونی نینگ بیر قنچه دین عالملری، قومی بویوکلر و نفوذلی شخصیتلری بیلن اوچره شدی.
بیرینچیدن انجنیر محمود بغلانی، حاجی محمد نعیم، مولوی شمس الرحمن، محمد اسحق اندرابی، مولوی فیضی بدخشی و حاجی نورالله باشقه لر نماینده لیگیده گپیریب شمال زونی تورلی ولایتلری خلقی نینگ قیین چیلیک و پیشنهادلرینی شریک قیلدیلر.
اولرنینگ ایتیشلریچه، اسلامی نظام کیلگن دن بیری بوتون اولکه اینیقسه شمال ده امنیت تامینلنگن، قدرت جزیره لری یوقالگن دیر و انسانی همکارلیک و حمایت کوچه یگن دیر.
ریاست الوزراء نینگ سیاسی معاونی شمالی زونی خلقی نینگ همکارلیگی و حمایتیدن منتدارچیلیک قیلیب ایتیشیچه، اسلامی امارت تبعیض و تعصب گه قرشی دیر بو نظام برچه افغانلرنی بیر کوزگه کوره دی. او افغانستان برچه افغانلرنینگ مشترک اویی دیر حاضر امن فضا کیلگن هر کیم نینگ امنیت ده یشش حقی بار دیدی.
حرمتلی مولوی عبدالکبیرنینگ کوپه یتیریشیچه، اسلامی امارت خاتین قیزلرنینگ حقی گه قرشی ایمس، بلکه اسلام چوکاتیده اولرنینگ حقی تامینله نیشیگه طرفدار دیر.
ریاست الوزراء نینگ سیاسی معاونی اوزی نینگ سوزلری اداغیده، اوشبو دین عالملری، قومی بویوکلر و نفوذلی کیشیلرگه شمالی زونی نینگ قیین چیلیک همده پیشنهادلریگه اعتبار قره تیلیشینی تیلگه آلدی.
