افغانستان اسلام امیرلیگی ریاست الوزراء عمومی دفتری مقامی باشلیغی حرمتلی الحاج داکتر ملا عبدالواسع بوگون توشدن آلدین چین جمهوریت خلقی نینگ افغانستانده گی ایلچیسی ژاو شینگ بیلن ارگ ده اوچره شدی.
ریاست الوزراء عمومی دفتری مقامی باشلیغی چین نینگ کابل ده گی ایلچیسینی خوش کیلیب سیز دیب، چین مملکتی نینگ افغانلر و حکومتگه کورستگن یاردملرینی تیلگه آلیب ایتیشیچه، افغانستان و چین نینگ اوزاق اوتمیشلردن بیری یقین و دوستانه مناسبتی بار.
اونینگ سوزلریگه کوره، چین بیرینچی مملکت ایدی که اسلام امیرلیگی ایچلچیسینی قبول قیلدی و اوزی نینگ سفیرینی افغانستانگه یوباردی بو ایسه هر ایکی مملکت اورته سیده گی یخشی وایزگو علاقه نی کورسته دی، شونینگدیک چین جمهوریتی اسلام امیرلیگی رسمیت گه تانیلیشی اوچون سعی و حرکتلرینی دریغ ایتمسلیگی کیره‌ک.
چین خلقی جمهوریتی ایلچیسی افغانستان و چین نینگ اوزاق اوتمیش دن بیری علاقه سی یخشی دیر و ۲۰۲۱- ییل دن کیین هر ایکی مملکت نینگ علاقه سی ینه ده یخشیلشن دیر. چین هر دایم تشکیلاتلر همده خلق ارا ییغینلرده افغانستاننی حمایت قیلگن دیدی.
اونینگ قوشیمچه قیلیشیچه، افغانستان و چین اورته‌سیده تجارت، صادرات و واردات آشگن دیر. اوتگن ییل ایسه بیزلر چین دن باریب کیلیش مقصدیده اون بیر مینگ افغانگه ویزه بوییچه سهولت یره تدیک.
حرمتلی الحاج داکتر ملا عبدالواسع کوپیتیریشیچه، اوشندیکه چهار چنار قصری چین اولکه‌سی نینگ همکارلیگی بیلن قوریلگن دیر و امید قیله‌میز که باشقه شو کبی بنیادی ایشلرگه اسلام امیرلیگی بیلن همکار بولیشلرینی ایسته‌‌یمیز.
چین نینگ کابل ده گی ایلچیسی بامیان ده برق ییتکزیش پروژه ایشی، قندهار ولایتی شفاخانه و تخار ده آمو دریا تیلی پروژه ایشی چین مملکت آرقلی جریانی بار. چین واخان یولی آچیلیشی اوچون قیبنچیلیگی یوق، خوفسیزلیک اساسی تشویشلر برطرف ایتیلگن حالده، تورلی بولیملرده ینه ده رواجله‌نیشلر کیلیشی ممکن دیر.
ریاست الوزراء عمومی دفتری مقامی باشلیغی حرمتلی الحاج داکتر ملا عبدالواسع اوزی نینگ صحبتلری اداغیده، اسلام امیرلیگی امنیت نی تامینلش ده جدی دیر و شونینگ اوچون هم مملکت بویلب امنیت تامینلنگن و واخان یولی آچیلیشی بیلن او ییرده امنیت آلدین دن کوره یخشی راق تامینلنه دی و چین اولکه‌سی نینگ مشترک همکارلیگی بیلن واخان یولی آچیلیشی هر ایکی اولکه اورته‌سیده سودا ساتیق و باردی کیلدی کوپه‌یه‌دی و یول نینگ امنیتی یخشیلنه‌دی.#
