افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند باشچلیگیده ملی تدارکات کمیسیونی نوبت ده گی ییغینی بوگون مرمرین قصریده بولیب و آجندا اساسیده ۴۲ ته پروژه تصدیقلهنقیشی اوچون تقدیم قیلیندی
بحث دن سونگ ۱۴ پروژه تعدیل و بیر میلیون دن آرتیق ارزشلی بولگن ۱۷ته پروژه تصدیقلنیب همده ۶ ته پروژه حقیده تیگیلشی کمیتهلرگه وظیفه تاپشیریلدی تا برنده بولگن شرکتلر بیلن پروژه نینگ قیمتی توغریسیده مذاکره قیلیب اونینگ گزارشینی ملی تدارکات کمیسیونی رهبریتیگه بیریشی قرار آلیندی.
شو ترتیبده، ایکّی پروژهنینگ شرطنامهسی شو سببدن بیکار قیلیندیکه، مذکور شرکتلر پروژهلرنی شرطنامه نرخلریگه موافق تکمیل قیلشیدن واز کیچگن ایدیلر، قرار آلیندی که بو پروژهلر ینگیدن آزاد داوطلبیگه تقدیم ایتیلیب همده مذکور شرکتلر محرومیت کمیتهسیگه تنیشتیریلسین.
باشقه ایکی ته پروژه، شرکتلرنینگ داوطلبیده تقدیم ایتگن نرخلری پروژهلرنینگ تخمینی قیمتیدن جوده یوقاری بولگنی سببلی، ینگیدن آزاد داوطلبیگه تاپشیریلدی.
شونینگدیک، یینه بیر پروژه حقیده تیگیشلی ادارهگه هدایت بیریلدىکه، شرایطده موافق شرکتلرنی قیته ارزیابی قیلِب،
اونینگ نتیجه سینی ملی تدارکات کمیسیونی رهبریتیگه تقدیم قیلسین.
ایتیلیشی کیرک که، تصدیق و تعدیل قیلینگن پروژهلر جملهسیده پنجشیر بیلیم یورتی لیلیه بناسینی قوریش، بدخشان بیلیم یورتی طب پوهنځی بناسینی احداثی، کنر ـ نورستان یولینینگ بیرینچی و ایکّینچی فازلرینی تکمیل قیلش، غزنی ولایتینی گیرو ولسوالیگیگه، فاریاب بندریده و ننگرهار ولایتینی سپینغر ولسوالیگیگه عمومی شفاخانهلر قوریش همده تورلی ولایتلرده برقنی ییتکزیب بیریش و توزیع قیلش پروژهلری شاملدیر.
بو پروژه لر اسلام امیرلیگی آرقلی تمویل قیلینهدی.
