ریاست الوزراء مقام دفتری عمومی رییسی نینگ ایمرجنسی تشکیلاتی هیاتی بیلن اوچره‌شووی

ریاست الوزراء مقام دفتری عمومی رییسی نینگ ایمرجنسی تشکیلاتی هیاتی بیلن اوچره‌شووی

افغانستان اسلام امیرلیگی ریاست الوزراء مقامی دفتری عمومی باشلیغی حرمتلی داکتر الحاج ملا عبدالواسع بوگون توشدن آلدین ایمرجنسی منطقوی و بو تشکیلات روجله‌نیش باشلیغی دانییلی جیاکومینی باشچیلیک قیلگن هیات ترکیبیده افغانستانده ایمرجنسی تشکیلاتی باشلیغی دیان پانیچ و هلمند ولایتی لشکرگاه ایمرجنسی شفاخانه سی باشلیغی جراح داکتر خوشحال حضوریده ارگ ده اوچره‌شدی.

ریاست الوزراء مقام دفتری عمومی باشلیغی ایمرجنسی تشکیلاتی هیاتی نی خوش کیلیب سیزلر دیب، بو تشکیلات نینگ افغانستان ده بجرگن خدمتلریدن قدردانلیک قیلدی.

دانییلی جیاکومینی جنابلری نینگ ایتیشیچه، ایمر جنسی تشکیلاتی ۱۹۹۹ میلادی ییل دن بیری افغانستان ده فعالیتینی باشله‌گن کابل، هلمند، پنجشیر و باشقه بیر قنچه اوزاق اولسواللیکلرده تشکیلات نینگ ۲۷ مرکزلری فعال دیر.

اونینگ قوشیمچه قیلیشیچه افغانستان شامل سوریه، یوگاندا، عراق، سودان، یمن، غزه و باشقه مملکت لرده بو تشکیلات نینگ صحی فعالیتلری باره‌سیده معلومات بیردی.

اونینگ سوزلریگه کوره، ایمر جنسی تشکیلاتی آلدین افغانستانده اوروش ده یره لنگنلرنی دواله‌یردی و حاضر ایسه ترافیک و باشقه حادثه لرده یره لنه دیگنلرگه خاص توجه قیله دی و برچه صحی، جراحی و عملیاتلر و دوالری رایگان دیر.

جیاکومینی جنابلری ایمر جنسی تشکیلات نینک کیله جک برنامه لریده معلومات بیریب ایتیشیچه، بو تشکیلات خدمتلری افغانستان نینگ تورلی بولیملریده کینگه‌یه‌دی و ساغلیق بوییچه کوپ یاردملر شامل دیر.

حرمتلی الحاج داکتر ملا عبدالواسع ایمر جنسی تشکیلاتی هیاتی گه خطاب قیلیب ایتیشیچه، سیزلر قشاق و مظلوم افغانلرگه بولگن فعالیتلرینگیزنی و تلاشلرینگیزگه دوام بیرینگلر و بیزلر هر بولیمده سیزلرگه همکارلیک قیلیشگه تیار میز. ساغلیق بولیمی بنیادی قیته تیکله‌نیشی اوچون همکارلیکلرینگیزگه دوام بیرینگلر.

ریاست الوزراء مقام دفتری عمومی باشلیغی اوچره‌شوو اداغیده ایتیشیچه، اسلام امیرلیگی عام المنفعه فعالیتلرگه کوپ توجه قیله‌دی. مردم نینگ فایده‌سیگه بولگن خدمتلرنی حمایت قیله‌دی و اونگه همکارلیک ایته‌دی ایمر جنسی کبی تشکیلاتلرگه لازم بولگن آسانلیک یره‌تیب بیریش‌ده اوزی نینگ همکارلیگینی دریغ ایتمه‌یدی.#