افغانستان اسلام امیرلیگی ریاست الوزراء اداری اورین باسری حرمتلی مولوی عبداسلام حنفی بوگون توشدن آلدین نیمروز ولایتی والیسی حرمتلی شیخ مولوی محمد قاسم خالد بیلن اوچره‌شدی.
بو اوچره‌شووده بیرینچیدن نیمروز ولایتی والیسی حرمتلی شیخ مولوی محمد قاسم خالد صحبت قیلیب، بو ولایت ده حکومتدارلیک، امنیت و اجتماعی وضیعت توغریسیده همده ایش و فعالیتلری حقیده ریاست الوزراء اداری اورین باسرلیگیگه گزراش بیردی.
اونینگ سوزلریگه کوره، نیمروز ولایتی مجاهدلری همده مسووللری مردم گه خدمت قیلیش و اولرنینگ قیینجیلیکلرینی برطرف ایتیش کیچه و کوندوز تلاش قیله‌دیلر و اسلام امیرلیگی بویوکلری بویروغینی تطبیق ایتیشده تیارلر.
نیمروز والیسی بو ولایت خلقی نینگ تازه ایچیملیک سوو قیینچیلیگی حل بولیشی، توغانلر قوریلیشی، مدرسه همده مکتبلر ایجاد بولیشی حقیده‌گی پیشنهادلرینی ریاست الوزراء اداری اورین باسری بیلن شریک قیلدی.
ریاست الوزراء اداری اورین باسری حرمتلی مولوی عبدالسلام حنفی، نیمروز ولایتی مسووللری نینگ ایش و فعالیتینی مختب، امنیت تامینله‌نیشی و وطنداشلرگه خدمت قیلیش اسلام امیرلیگی اولویتلریدن دیر و تیگیشلی مسووللر بو باره‌ده بار امکانیت چوکاتیده لازم چاره تدبیر کوره‌دیلر دیدی.#
