افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین چین جمعوریتی نینگ کابلده‌گی ایلچیسی جناب ژاوشینگ و یولداش هیاتی بیلن اوچره‌شیب ملاقات قیلدی.
بو اوچره‌شووده افغانستانده چین نینگ ایلچیسی ژاوشینگ جنابلری دسلتب هر ایکی مملکت نینگ تورلی بولیملرده‌گی ایزگو علاقه‌لرینی تیلگه آلیب ایتیشیچه، افغانستان و چین اورته‌سیده‌گی دوستلیک علاقه‌سی ییتمیش ییلگه توله‌دی و بو ایسه ایکی مملکت نینگ چوقور مناسبتینی کورسته‌دی.
شونینگدیک او هر ایکی مملکت اورته‌سیده تجارت نینگ رونقیگه اشاره قیلیب کوپه‌یتیریشیچه، چین اولکه‌سی نینگ ایلچیخانه‌سی سونگی بیر ییل ایچیده اینگ کوپ ویزه‌نی افغانسان یشاوچیلریگه صادر قیلگن بو اوزی ایسه ایکی مملکت نینگ پناسبتی مستحکم لیگینی کورسته‌دی.
چین ایلچیسی مملکتی نینگ قوشنی مملکتلردن اولکه گه قیتیب کیلگن مهاجرگه یشش اوی قوریب بیریشی، اولکه نینگ ایریم ولایتلریده ساویتگیچ ایجاد قیلیشی، زراعت بولیمیگه همکارلیک ایتیش، ساغلیقنی سقلش و افغانستان کانلرنی اورگنیب قازیب چیقاریش کبی بولیملرده چین جمهوریتی مردمی نینگ همکارلیک قیلیشی ممکن دیب ایتدی.
ریاست الوزراء اداری اورین باسری حرمتلی مولوی عبدالسلام حنفی چین اولکه‌سی ایلچیسی همده یولداش هیاتی بیلن اوچره‌شگنیدن خرسندلیک قیلیب، او مملکت نینگ مهاجرلرگه همکارلیک قیلیشی و افغانستان نینگ خلق ارا ییغینلرده حمایت قیلگنیدن تشکرلیک قیلدی.
ریاست الوزراء اداری اورین باسری نینگ سوزلریگه کوره، چین اولکه‌سی یخشی بیر قوشنی صفتیده اوزاق ییللردن بیری افغانستان بیلن تجارتی، اقتصادی و سیاسی علاقه‌سی بولگن و بو مدت ایچیده هر ایکی مملکت اورته‌سیده کیچیک بیر قیینچیلیک چیقمه‌گن بلکه اونینگ کوچه‌یتیریش و تقویت ایتیش اوچون تلاش قیلینگن و کیله‌جک ده هم بو مناسبتلریمیز مستحکم بولیب کینگه‌یشیگه امید قیله‌میز.
حرمتلی مولوی عبدالسلام حنفی چین نینگ افغانستانده تورلی بولیملرگه سرمایه کیریتگنینی استقبال قیلبب چین دولتیدم برق ایشلب چیقاریش، شفاخانه‌لر و صحی مرکزلر زمانوی اوسکونه‌لر بیلن جهازله‌نیشی اوچون همکارلیک قیلیشنی سوره‌دی.
ریاست الوزراء اداری اورین باسری اوزی نینگ صحبتلری اداغیده، افغانستان اسلام امیرلیگی مملکتلر قاله‌ویرسه قوشنی مملکتلر بیلن ایزگو مناسبت ده بولیشنی ایسته‌یدی و اولردن هم افغانستان بیلن نیک علاقه‌ده بولیشنی ایسته‌یدی.#
