افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ قندوز سپین زر امارتی شرکتی نینگ باشلیغی حرمتلی عبدالحفیظ فریاد حضوریده اوزبیکستانلیک بیر قنچه تجارلر همده سرمایه یاتقیزوچیلر بیلن اوچره شیب ملاقات قیلدی.
اوشبو اوچره شووده دستلب ان آر انرژی الفلاح شرکتی نینگ باشلیغی حرمتلی نادر رستموف اوچره شووده گیلر نماینده لیگیده گپیریب، اوزبیکستانلیک تاجرلر همده سرمایه یاتقیزوچیلرنینگ افغانستانگه بولگن سفری مقصدی باره سیده ریاست الوزراء اداری اورین باسریگه معلومات بیردی.
شونینگدیک او تورلی بولیملرده تجارت همده سرمایه کیریتیش زمینه سی یره تیلگنی و افغانستان اسلام امیرلیگی آرقلی خوفسیزلیک تامین ایتیلگنی کبی موردلرگه اشاره قیلیب، یوقاریده گی مساله لر سبب مملکتیمیزنینگ تجارلری همده سرمایه یاتقیزوچیلری بو مملکت گه سرمایه کیریتیشگه قیزیقنلر دیدی.
حرمتلی نادر رستموف نینگ کوپهیتیریشیچه، اوزبیکستانلیک تجارلر همده سرمایه یاتقیزوچیلر یره تیلگن فرصتدن فایده له نیب انرژی، نساجی، کانلرنی قازیب چیقاریش، تولیدی فافریکهلرنی ایجاد قیلیش و آستقورمه لرگه سرمایه کیریتیشنی خواهله یدیلر و بو توغریده افغانستان اسلام امیرلیگی نینگ همکارلیگی ضرور دیر.
کیینچه لیک ریاست الوزراء اداری اورین باسری حرمتلی مولوی عبدالسلام حنفی اوزبیکستانلیک تجار همده سرمایه یاتقیزوچیلرنی خوش کیلیب سیزلر دیب اولرنینگ افغانستانده گی تجاری فعالیتلریدن منتدارچیلیک بیلدیردی.
شو کبی ریاست الوزراء اداری اورین باسری حرمتلی مولوی عبدالسلام حنفی افغانستان اسلام امیرلیگی تجارت و سرمایه کیریتیش بولیملرده قوشنی مملکتلر بیلن اوز علاقهسینی کینگهیتیریشنی ایسته دی دیب قوشنی مملکتلر اینیقسه بو مملکت دن افغانستانده تورلی بولیملرگه سرمایه یاتقیزیشلرینی طلب قیلدی.
شونینگدیک حرمتلی مولوی عبدالسلام حنفی جنابلری اسلام امیرلیگی چیت ایللیک برچه تجارلر، سرمایه یاتقیزوچیلر و شرکتلرنینگ فعالیتینی خوش قرشیلهدی و اولر اوچون لازم بولگن برچه آسانلیکلرنی یره تیب بیریش مقصدیده تیار دیب تاکیدله دی.#
