افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند باشچیلیک قیلگن اسلام امیرلیگی نینگ عالی مرتبه‌لی هیات ازبکستانگه بولگن ایکی کونلیک رسمی سفریدن سونگ بوگون توشدن کیین مملکت گه قیتیب کیلدی.
حرمتلی ملا عبدالغنی برادر آخند کابل خلق ارا قونالغه سیده مطبوعاتی بیر کنفرانسده ازبکستانگه بولگن سفرینی یوتوقلی دیب ایتیشیچه، مذکور سفرده ازبکستان باش وزیری حرمتلی عبدالله عارف اوف، ازبکستان باش وزیری اورین باسری حرمتلی جمشید خواجه یوف، ازبکستان تجارت و هوا یوللری وزیرلری بیلن هر ایکی تامانلمه تجارت، رواجله نیشی و کوچه یتیریلیشی باره سیده مفصل صحبت بولگنینی تیلگه آلدی.
محترم ملا صاحب نینگ ایتیشیچه، ازبکستان چیگره‌سیدن افغانستان نینگ دشت الوان شهریگچه بولگن ۵۰۰ کیلوولت برق ترماغی اوچون شرطنامه اوّللری ۲۵۲ میلیون دالر بولگن ایدی بو حقده بحث‌دن سونگ بو ۲۲۲ میلیون دالرگه توشیریلگن.
محترم ملا عبدالغنی برادر ازبکستان تخنیکي هیاتلریدن بیری یقین وقت ایچیده حیرتان دن هراتگچه بولگن تیمیر یول نینگ تخنیکي تدقیقاتلری اوچون حدودگه تشریف بویوریشینی و تخنیکي اورگنیشلردن اون گون سونگره اوشبو مهم لایحه نینگ عملي ایشلرینی باشلشینی وعده قیلگنینی ایتدی و لایحه نینگ تخنیکی مطالعات خرجتی ازبکستان آرقلی تولنیله‌دی دیدی.
اسلام امیرلیگی اقتصادی اورین باسری نینگ قوشیمچه قیلیشیچه، ازبکستان یاز موسیمده افغانستانگه برق انرژیسی ییتکزیب بیریش حجمینی آشیریش و تعریفه پسه‌یتیریشگه وعده بیرگن.
محترم ملا صاحب افغانستان و ازبکستان اورته‌سیده ایکینچیلیک ساحه‌سینی رواجلنتیریش اوچون مملکت تامانیدن افغانستان زراعت محصولاتلریگه نسبتاً موجود چیکلاولر آلیب تشلنیشی و تیز آره‌ده ایکّی تامان اورته‌سیده انیق شرطنامه‌لر امضالنیشی حقیده وعده بیریلگنینی ایتدی.
امیرلیک نینگ اقتصادی اورین باسری باشچیلیگیده‌گی عالي مرتبه‌لی هیئت ترکیبیگه کیریتیلگن صنعت و تجارت وزیرلیگی سرپرستی الحاج نورالدین عزیزي افغانستان و ازبکستان تامانلری اورته‌سیده‌گی بحثلر و شرطنامه‌لر یوزه‌سیدن ژورنالیستلر نینگ سواللریگه انیق جواب بیردی.
اسلام امیرلیگی هیئاتی نینگ ازبکستانگه تشریفی یوتوقلر ایگه بولگنی، ازبکستان بیلن ییتی ته دستور بوییچه باتفصیل بحثلر اوتکزیلگنینی بیلدیردی.
حرمتلی صنعت و تجارت وزیری افغانستان تاجرلری و سوداسیگه قوییلگن موجود چیکلاولرگه توخته‌لر ایکن، افغانستان و ازبکستان اورته‌سیده بانک تیزیملری، تی تی و ترانزیت لرنی اوز ارا باغلش مسأله‌لری بوییچه باتفصیل بحثلر آلیب باریلگنینی ایتیب اوتدی و هر ایکّی تامان نینگ بحث‌لری و مجبوريتلری اساسیده افغانستان و ازبکستان ایش بیلرمانلریگه ضرور قوله‌یلیکلر یره‌تیلیشینی تأکیدله‌دی.
محترم صنعت و تجارت وزیری، هرات، فراه، نیمروز، هلمند و قند‌هاردن اوتیب سپین بولد‌ککه ییتیب باره‌دیگن حیرتان و سپین بولد‌ک اورته‌سیده‌گی تیمیر یول علاقه‌سی حقیده تامانلر اورته‌سیده باتفصیل محاکمه قیلینگنلیگینی ایتدی.
محترم نورالدین عزیزب اسلام امیرلیگی هیاتی نینگ ازبکستانگه تشریفیدن کوزلنگن اساسي مقصد افغانستان نینگ مذکور دولت بیلن صادرات و واردات بلانسینی اورنه‌تیش ایکنینی تأکیدله‌دی و ازبکستان باش وزیری مشترک پروژه‌لرگه لازم بولگن سهولت یره‌تیلیشی دن اطمینان بیردی دیدی.
نورالدین عزیزی جنابلری نطقی سونگیده ازبکستانگه سفری چاغیده ایش بیلرمانلرنی قوللب-قوّتلش مقصدیده افغانستان و ازبکستان نینگ تورت ته ییریک شهریده تجارت مرکزلری قوریلیشی هم کیلیشیب آلینگنینی، افغانستاندن صادر قیلینه‌دیگن تاو‌رلر نینگ ۱۰ فایزیگه باجخانه تولاوینی نالگه تینگلشتیریش بوییچه ازبکستان بیلن امتیازلی کلیشوولر هم محاکمه قیلینگنینی ایتدی.#
