افغانستان اسلام امیرلیگی ریاست الوزراء دفترینینگ عمومی باشلیغی داکتر ملا عبدالواسع اوتگن کونی بریتانیانینگ افغانستان اوچون بولگن خاص وکیلی ریچارد لیندزی بیلن اوچره شدی.
بو اوچرهشوو ارگده عملگه آشدی. بیرینچی بولیب ریچارد لیندزی افغانستانگه بولگن سفریدن خرسندلیک بیلدیرگن حالده، پاکستاننینگ افغانستانگه قرهتگن آتگن راکته اوقلری سبب هلاک بولگن اوچون قیغوداشلیگینی اظهار قیلدی. او جنجللر تمام بولیب، ایکی تمانلمه ایشانچ اورنهتیلیشی اوچون حرکت قیلینیشینی سورهدی.
انه شو حالده داکتر ملا عبدالواسع بریتانیا وکیلیدن قیغوداشلیک بیلدیرگنی همده اورته گه چیققن معمالرنی حل قیلیش اوچون قیلیب تورگن حرکتلری اوچون منتدارچیلیک بیلدیریب، پاکستان حربی لری تامانیدن کنرگه عادی اهالی همده بیلیم یورتگه قیلگن هجوملرینی قارهلهدی
داکتر ملا عبدالواسع جنابلری، تینچ اهالینی اینیقسه عیاللر، بالهلر و اولوسنینگ یشش ییرلرینی اوق آستیگه آلیشنینگ هیچ قندهی توجیهسی بولمهگنینی معلوم قیلدی. او کیشی بیز هجوم قیلمهگنمیز و خشونتدن هم آرقهداشلیک قیلمیمیز بیراق، افغانستان حریمی و حدود بیرلیگیدن مدافعه قیلیش اساسی حقیمیز دیر دییه اورغولهدی.
ریاست الوزراء دفترینینگ عمومی باشلیغی بریتانیانینگ افغانستان اوچون مخصوص وکیلی و ایکی مملکت اورتهسیده تینچلیک اورنهتیش اوچون حرکت قیلیب تورگن اورتاق اولکه و نهادلردن حقیقتنی توشونیب جنجل چیقرگن تاماننی ملامت قیلیشلرینی سورهدی.
حرمتلی ملا جنابلری، بریتانیا وکیلی و باشقه اولکهلردن ایکی اولکه ارهسیدهکی معما بر طرف بولیشی اوچون تلاش قیلیشلرینی سورهدی. شونینگدیک او کیشی افغانستان توپراغلریدن هیچ بیر اولکهگه قرشی فعالیت آلیب باریلمسلیگینی معلوم قیلیب همده پاکستاننی وعده لریگه صادق قالیشینی طلب قیلهمیز دیب ایتدی.
ریاست الوزراء دفترینینگ عمومی باشلیغی پاکستاننی افغان مهاجرلریگه قیلگن میزبانلیگیدن ایسلب، افغان مهاجرلری هجرتده پاکستان قانون قاعده لریگه عمل قیلگنلر دییدی.او پاکستاننی مهاجرلرحقوقینی رعایت قیلیشی همده افغانلرگه ضرر ییتکزمسلیگینی طلب قیلدی.
بو اوچرهشووده ریچارد لیندزی جنابلری، اسلام امیرلیگیدن بو قینچیلیکنی یخشی یول بیلن ییچیم تاپیش اوچون قیلیب تورگن اورینیشلریدن قدردانلیک قیلیب، اوروش ایکی تامانگه امیدسیزلیک ویرانلیک آلیب کیلیشینی ایتیب، بو معماگه ییچیم تاپیش اوچون باتورلیک و سیاسی اداره بولیشی لازملیگینی تاکید قیلدی او انسانسیورلیک یاردملر پاکستان یولی بیلن افغانستانگه کیلیش اوچون رخصت بیریلیشی لازم دیدی.
شونینگدیک او پاکستان تامانیگه هم ایکی تمانلمه ایشانچ اورنهتیش اوچون قیته - قیته پیغام بیرگن میز بو خصوصده عملی آدیم کوتاریلیشی ضرور دییدی.
اخیرده ریاست الوزراء دفترینینگ باشلیغی داکتر ملا عبدالواسع بیز انسان سیورلیک یاردملرینی توسیشگه حرکت قیلمهگن میز، قرشی تامانیمیز جنجللر یکونی اوچون بیر آدیم آتسه اسلام امیرلیگی ایکی آدیم کوتارهدی دییدی.#
