افغانستان اسلام امیرلیگی ریاستالوزرا اقتصادی اورین باسری حرمتلی ملا عبدالغنی برادر اخند بوگون توشدن آلدین جوزجان ولایتیده یتیم تاغ سمنت ایشلب چیقاریش فابریکهسی قوریلیش ایشلرینی باشلب بیردی.
ریاستالوزرا اقتصادی اورین باسری، ایچکی صنعتنی کوچهیتیریش همده قوللب-قووتلشنی مملکت اقتصادی رشدی واقتصادی ایشلب چیقاریشیگه تدریجی اوتیش یولیده مهم ایکنلیکینی ایتب، بو احتیاجنی جدی شکلده حل ایتیلیشیگه تاکید قیلدی.
حرمتلی ملا عبدالغنی برادر اخند، بوگون اوشبو مهم فابریکهنی عملی قوریلیش ایشلری جوزجانده باشلنگنینی ایچکی صنعتنی کوچهیتیریش، تشقی مملکتلردن وارداتگه بولگن قرهملیکنی کمیتیریش ومملکت اقتصادی ترقیاتیگه سبب بولیشینی اورغولهدی.
او کیشی، افغانستان اسلامی امیرلیگینینگ تمرکزی ایچکی صنعتنی کوچهیتیریش همده خام موادلرنی صادر ایتیش اورنیگه، اوشبو موادلرنی ایچکی قیته ایشلش اوچون زمینه یرهتیشگه قرهتگنینی بیلدیردی.
عین حالده، حرمتلی ملا عبدالغنی برادر اخند یینه بیر مرتبه خلقارا جامعهدن رسمی اقتصاد چارچوبیده افغانستان ارا اوز همکارلیکلرینی کوچهیتیریب، سابقهسیز خوفسیزلیک، سیاسی ثبات و بالقوه امکانیتلردن فایدهلنیشلرینی سورهدی.
ریاستالوزرا اقتصادی اورین باسری قوشیمچه قیلیشیچه، منطقوی و خلقارا سطحده سیاسی و اقتصادی فضانی تنگلش، خلقارا میقیاسده حذف سیاستنی تطبیق ایتیش همده چیکلاولرنی دوام ایتیشی هیچ قندی شکلده خلقارا سیاست و اقتصاد معمالرینی حل ایتیشیگه سبب بولهآلمیدی؛ بلکه عکسینچه، بوندهی سیاستلر تهدیدلرنی کوپهیتیریب، منطقوی و خلقارا مشارکت حصهسینی کمهیتیرهدی.
ییکونده، ریاستالوزرا اقتصادی اورین باسری، اوشبو فابریکهنی قوریلیش ایشلری باشلنیشینی برچه اولکهداشلرگه تبریکلب، تیگیشلی ادارهلر همده قراردادچی شرکتدن ایشلرنی کیفیتلی حالده آلغه آلیب باریشلرینی سورهدی.
ایتیش کیرک، تورکیه ۷۷ کمپنیهسی، جوزجان ییتیمتاغ سمنت فابریکهسیده ۱۶۰ میلیون دالر سرمایه کیریتهدی. اوشبو فابریکه ایشگه باشلهگن حالده، هر کونی ۳ مینگ تُن سمنت ایشلب چیقرهدی و مستقیم همده نامستقیم طرزده ۵ مینگ کیشی ایش بیلن تأمینلنهدی. بو فابریکهنینگ قوریلیش ایشلری کیلهسی ایکی ییل ایچیده تکمیل بولیشی کوتیلماقده.#
