افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ دایکندی ولایت حاکمی محترم الحاج مولوی تورجان بیلن اوچرهشدی.
اوچرهشوو دوامیده، دایکندی ولایت حاکمی، حرمتلی الحاج مولوی تورجان ولایتدهگی اقتصادي، اجتماعي و محلي باشقروو حالتی، قَیتیب کیلگن مهاجرلرنینگ احوالی همده محلي ادارهلر فعالیتی حقیده معلومات بیردی.
دایکندی حاکمی، اسلام امیرلیگی مسووللری اوشبو ولایتده خوفسیزلیکنی تأمینلش، خدمتلر کورسهتیش و فقرالر معمالرینی، اینیقسه قَیتیب کیلگن مهاجرلر مسألهلرینی حل ایتیش یولیده کېچه-کوندوز تینمی حرکت قیلیب تورگنلیکلرینی ایتدی.
حرمتلی الحاج مولوی تورجان صحبتلری یکونیده ولایت اهالیسی طلبلرینی تعلیم-تربیه، ساغلیقنی سقلش و خوفسیزلیکنی تامینلش و قیته قوریش حقیده باشلیغلرنینگ توجه قرهتیشلرینی سورهدی.
ریاست الوزراء اداری اورین باسری حرمتلی مولوی عبدالسلام حنفی، حاکمنی سوزلرینی قوللهگن حالده، خوفسیزلیکنی تأمینلش و خلققه خدمت قیلیش اسلام امیرلیگینینگ اساسي مسوولیتلریدن ایکنینی ایتدی و محلي مسووللر بو یونهلیشده، اینیقسه قَیتیب کیلگن مهاجرلر مسألهسیگه جدّي اعتبار قرهتیشلری لازملیگینی تأکیدلهدی.
شونینگدیک، او حاکم تامانیدن ایلگری سورهلگن خلق طلبلریگه توختهلیب، تیگیشلی ادارهلر موجود امکانیتلرنی انابتگه آلگن حالده بو مسألهلرنی کوریب چیقیشینی اورغولهدی.#
