افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی تیناون ۱۴۴۵- ه -ق بیت الله شریف جونب کیته دیگن افغان حاجی لر بیرینچی گروهی بیلن خیرلشوو مراسمیده اشتراک قیلیب سوزلشدی.
انه شو مناسبت بیلن کابل خلق ارا قونالغه سیده اوتکزیلگن مراسم ده ارشاد، حج و اوقاف وزیرلیگی سرپرستی حرمتلی شیخ دکتور نور محمد ثاقب و کابینه نینگ بیر قنچه اعضالری اشتراک ایتدیلر.
ریاست الوزراء اداری اورین باسری حج ملی کمیته سی، ارشاد، حج اوقاف، ترانسپورت و هوا یوللری وزیرلیکلری مسووللری، کابل خلق ارا قونالغه سی مسووللری، خوفسیزلیک کوچلری، باشقه تیگیشلی اداره لر، کعبه شریفه پروازلرینی تنظیم قیلیب حاجیلرنی آلیب کیته دیگن هوا یوللر شرکتی، ساغلیق خدمتلر و سفر چاره تدبیرلرینی کورگن، یشش جای، آزیق - آوقت و حرمتلی حاجیلرگه حج مناسکلرینی اورگه تیش اوچون معلم لر توظیف ایتیلگنی اوچون آلیب باریلگن تلاشلردن قدردنلیک قیلدی.
حرمتلی مولوی عبدالسلام حنفی نینگ ایتیشیچه، بو اوچینچی مرته دیر که اسلام امیرلیگی حاکمیتیده حاجی لر بو معنوی سفرگه کیته دیلر دیب تیگیشلی اداره لر حاجی لرگه اوشبو حج مراسم سفری جریانیده لازم آسانلیک و یخشی خدمت کورستیشلرینی ایسته دی.
حرمتلی مولوی عبدالسلام حنفی، افغانستانلیک حاجیلر اوشبو شکوه لی همده معنوی مراسمده افغانستان ملتی و جامعه سی نینگ ایلچیلری و نماینده لری حسابلنه دیلر دیب، اولردن ایزگو اخلاقنی رعایت قیلیب، صبر و تحمل دن ایش آلیب میزبان مملکت نینگ اصول و قانونلریگه حرمت قیلیشلرینی سوره دی.
حرمتلی مولوی عبدالسلام حنفی اوزی نینگ صحبتلریده حرمتلی حاجلرگه موفقیت ایستب حج فریضه سی قبول بولیشی اوچون دعا قیلیب اولردن مملکت ده اسلامی نظام پایدارلیگی و مستحکمله نیشی، افغانستان خلقی نینگ تینچلیک وبرقرالیگی اوچون الله متعال آلدیده دعا قیلیشلرینی ایسته دی.#
