مهاجرلر قیینچیلیگینی تیرگش عالی کمیسیون ییغینی بوگون توشدن آلدین افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی باشچیلیگیده مذکور کمیسیون حرمتلی اعضالری اشتراکیده بولیب اوتدی.
اوشبو ییغین‌ده بیرینچیدن مهاجرلر قیینچلیگینی تیرگش عالی کمیسیون نینگ تعین قیلگن تورلی کمیته‌لری اوزلری نینگ فعالیتی، اجراتلری و یوتوقلری تیکشیریلیب بررسی ایتیلدی.
کیینچه‌لیک ایریم موضوعلر جمله‌دن کمیته‌لر طرزالعمللری، زابل ولایتیگه قیتیب کیلگن مهاجرلرگه بو ولایت مهاجرلر شهرچه‌سیده زمین توزیع ایتیش، تورلی ولایتلرده‌گی مهاجرلرگه ییر توزیع قیلیش، اوی جایلریدن کابل ده آواره بولگنلرنی تیگیشلی ولایتلریگه ییتکزیش و ننگرهار ولایتلریگه قیتگن قاچقینلرگه احکام و فرمانلرنی تعقیب و نظارت ایتیش لوی ریاستی نینگ مساعدتلری حقیده‌گی گزارش هر تامانلمه بحث قیلینیب و بو خصوصده لازم قرار قبول قیلیندی.#
