افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی مهاجرلر قیینچیلیگینی تیرگش عالی کمیسیونی‌نینگ اسکان موقت کمیته‌سی نینگ اعضالری بیلن اوچره‌شدی.
اوچره‌شووده دستلب مهاجرلر ایشلری بوییچه وزیرلیک مسلکی معینی حرمتلی مولوی عبدالرحمن راشد اسکان موقت کمیته‌سی نینگ باشقه اعضالری نماینده‌لیگیده اوشبو کمیته‌نینگ فعالیتلری، یوتوقلری و برنامه‌لری حقیده ریاست الوزراء اداری اورین باسریگه گزارش بیردی.
شونینگدیک حرمتلی مولوی عبدالرحمن راشد قوشنی مملکتلردن وطنداشلریمیزنی جبری قیتیب کیلیشی شددتلشگن دیر، لیکن مذکور کمیته نینگ مسووللری کمیسیون رهبریتی نینگ بویروغی بیلن باشقه کمیته‌لر قوشمه سعی و حرکتی بیلت قیتیب کیلگن وطنداشلریمیز اسکان موضوعلرینی یخشی بیر صورتده باشقرگنلر دیدی.
سونگره ریاست الوزراء اداری اورین باسری حرمتلی مولوی عبدالسلام حنفی، مهاجرلر قیینچیلیگینی تیرگش عالی کمیسیون نینگ اسکان موقت کمیته‌سی اعضالرینی خوش کیلیب سیزلر دیب، اولرنینگ قیتیب کیلگن مهاجرلر اسکان مساله‌سینی تیرگش اوچون وقفه‌سیز زحمت و تلاشلریدن تشکرلیک قیلدی.
ریاست الوزراء اداری اورین باسری قیش فصلی کیلیشی بیلن کیمته‌لر اینیقسه اسکان موقت کمیته‌سی قوشنی مملکتلردن قیتیب کیلگن وطنداشلریمیز قیینچیلیککه قالمسلیکلری اوچون تلاش قیلیشلرینی سوره‌دی.#
