افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر تیناوون سپیدار قصریده تخنیکی و مسلکی تعلیمات اداره‌سی سرپرستی حرمتلی مولوی غلام حیدر شهامت و یولداش هیاتی بیلن اوچره شدی.
بو اوچره شوودن بیرینچیدن حرمتلی غلام حیدر شهامت تخنیکی و مسلکی تعلیمات اداره سی سونگی رواجله نیشلری باره سیده ریاست الوزراء سیاسی اورین باسریگه معلومات بیریب ایتیشیچه، مذکور اداره مبتکر و کار آفرین بیر اداره صفتیده مسلکی ایشانچ و ثمره‌لی اداره بولیب، اسلام قدریتلری اساسیده کسبي تعلیمنی اسلام قدریتلری نقطه‌ی نظریدن باشقره‌دی.
اونینگ قوشیمچه قیلیشیچه، اداره نینگ مملکت ده ۳۷۷ ته مرکزلری موجود بولیب، اولر جمعیت و بازار احتیاجلریگه کوره (۱۱۱) تورلی کسبي و اساسي بولیملرده ماهر و ملَکه‌لی کادرلر تیارله‌یدی و بونده حاضرگی کونده سکیز یوز مینگ تعلم بیلن شغللنه دی. شونینگدیک، اوشبو تشکیلات ییلیگه یوز مینگ کیشینی مسلکی و تخنیکي خادملر تیارلش امکانیتیگه ایگه.
شهادت جنابلریگه کوره، تخنیکي و مسلکی تعلیمی اداره‌سی قیسقه مدتده مسلکی تعلیمی مؤسسه‌لرینی بیتیرگن متخصصلرنی ایش بازارگه آلیب کیریشگه حرکت قیلماقده بو بیلن بیر تاماندن مسلکی آدملرگه ایش زمینه سی یره تیلسه ده، باشقه بیر تامانیدن یاشلرنینگ مهاجرتی آلدی آلینه‌دی.
شونینگدیک، او اوشبو اداره نینگ اَیریم معمالری و تکلیفلرینی ریاست الوزراء سیاسی اورین باسری بیلن اورتاقلشدی و تخنیکي و مسلکی تعلیمی بوییچه ملي کنفرانس تشکیل ایتیشنی سوردی.
کیینراق افغانستان اسلام امیرلیگی ریاست الوزراء سیاسي اورین باسری، محترم مولوی عبدالکبیر اولرگه بیرگن معلوماتلری اوچون منّتدارچیلیک بیلدیریب، اسلام امیرلیگی برچه دولت و خصوصي اداره‌لرنی قۉللب-قوّتلشینی همده بوتون خلق قه خدمت قیلیشنی اوزی نینگ مسوولیتی، دیب بیلیشینی ایتدی.
ریاست الوزراء سیاسي اورین باسری مملکتیمیزده یاشلرنی ایش بیلن تأمینلش، افغان یاشلری مهاجرتی نینگ آلدینی آلیش مسأله‌لریگه علیحده توخته‌لیب اوتدی همده جناب شهامت گه تخنیکي و مسلکی تعلیمی اداره سی فعالیتینی جدللشتیریش و تکامللشتیریش یوزه‌سیدن بیر قطار تاپشیریقلر بیردی. #
