افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون کیچ سرپل ولایتی نینگ والیسی حرمتلی مولوی محمد ظریف مظفر، لوا قوماندانی حرمتلی مفتی محمد مقتصد و بیر قنچه مجاهدلر بیلن اوچره شدی.
اوشبو اوچره شووده بیرینچیدن سرپل والیسی حرمتلی مولوی محمد ظریف مظفر باشقه لر نماینده لیگیده سرپل ولایتی نینگ مجاهدلری، محلی حکومتچیلیک و امنیتی موضوعلری وضعیتی قوشیمچه مذکور ولایت محلی اداره لری ایشلری همده فعالیتی باره سیده ریاست الوزراء اداری اورین باسرلیگیگه گزارش بیردی.
سرپل والیسی نینگ ایتیشیچه، سرپل ولایتیده اسلام امیرلیگی نینگ مجاهدلری همده محلی مسووللری مردم گه خدمت قیلیش و اولرنینگ معمالرینی برطرف ایتیش اوچون هردایم تلاش قیله دیلر و بو توغریده هیچ بیر کوشش نی دریغ ایتمه یدلر.
شونینگدیک حرمتلی مظفر بو ولایت اهالیسی نینگ ترقیات لایحه لر عملگه آشیریلیشی، قتناو یوللری قوریلیشی و کانلر قازیب چیقاریلیشی باره سیده پیشنهادلرینی ریاست الوزراء اداری اورین باسری بیلن شریک قیلدی.
ریاست الوزراء اداری اورین باسری حرمتلی مولوی عبدالسلام حنفی بو ولایت یشاوچیلری برابریده سرپل ولایتی مسووللری نینگ شایسته خدمتلری فعالیتی همده ایشلرینی تقدیرگه سزاوار دیب قوشیمچه قیلدی.
شونینگدیک ریاست الوزراء اداری اورین باسری امنیتنی تامینلش، اجتماعی رفاه، آسایشته لیک سقله‌نیشی و مردم نینگ تینچلیگی اسلام امیرلیگی وظیفه سی و مسوولیتلریدن سنه‌له‌دی و تیلگه آلینگن پیشنهادلر باره سیده قولده گی امکانیت بیلن لازم چارده تدبیر کوریله‌دی دیب ایتدی.#
