افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون کابل تجارلر و کسبچیلرنی حمایت قیلیش بیرلشمه‌سی اعضالری بیلن اوچره‌شدی.
تجارتی شرکتلر مارکیتلر و کسبچیلر نماینده‌لری حضوری بولگن اوشبو ییغینده، اولر اسلام امیرلیگی همکارلیگیدن منتدارچیلیک قیلیب، اسلامی نظام کیلگن دن بیری قیینچیلیکلر حل بولگن دیب ایتدیلر.
اولرنینگ کوپه‌یتیریشیچه، افغان تجارلری مملکت ده سرمایه قیزیقه‌دیلر بو بیلن مستقیم و غیر مستقیم طرزده مینگلب ایش فرصتلری یره‌تیلگن دیر.
کابل تجارلر و کسبچیلرنی حمایت قیلیش بیرلشمه اعضالری افغان تجارلر اسلامی نظام بیلن واخان ییریک یولی قوریلیشی اوچون همکارلیک قیلیشده تیار ایکنلیکلرینی قوشیمچه قیلدیلر. شونینگدیک، صنعت شهرچه‌سیده ییر بیریلگن حالده، تولیدی بولیمده هم ایش باشله‌یدیلر.
کابل تجارلر و کسبچیلرنی حمایت قیلیش بیرلشمه‌سی اعضالری کابل شارواللیگی و باشقه بیر قنچه تیگیشلی اداره‌لر ایشلری یخشی بولیشی مقصدیده اوز پیشنهادلرینی ریاست الوزراء سیاسی اورین باسریگه تاپشیردیلر.
ریاست الوزراء سیاسی اورین اورین باسری حرمتلی مولوی عبدالکبیر مذکور تجارلر همده کسبچیلرنی خوش کیلیب سیز لر دیب، اسلامی نظام برقرار بولیشیگه برچه افغان آرمانی ایدی و حاضر هر بیر افغان نینگ حکومت گه حقی بار و اوز نظریات و ایستکلرینی اسلامی نظام بیلن شریک قیله آله‌دیلر دیدی.
ریاست الوزراء سیاسی اورین باسری مملکت ده افغان تجارلری سرمایه یاتقیزیشینی مهم دیب، اسلام امیرلیگی اولرنی حمایت ایته‌دی دیب قوشیمچه قیلدی.
ییغین نینگ اداغیده حرمتلی مولوی عبدالکبیر تجارلر پیشنهادلری تیکشیریلیشی خصوصیده گپیریب، تیگیشلی اداره‌لر قیینچیلیکلر حل بولیشی اوچون ییغینلر اوتکیشی ممکن.#
