افغانستان اسلام امیرلیگی ریاست الوزراء مقامی دفتری عمومی باشلیغی حرمتلی داکتر ملا عبدالواسع بوگون توشدن آلدین کابل شهری نینگ ساغلیقنی سقلش چارراهه‌سیدن آریا‌نا چارراهه‌سیگچه بولگن جاده نینگ آچیلیش مراسمیده اشتراک ایتدی.
انه شو مناسبت بیلن اوتکزیلگن ییغین ده ریاست الوزراء مقامی دفتری نینگ عامه و استراتیژیک علاقه لر اورین باسری حرمتلی قاری عبدالستار سعید مذکور جاده آچیلیشینی افغانستان اسلام امیرلیگی نینگ یوتوغی دیب ایتیشیچه، حاضر افغانستان بوتونله ی مستقل و اشغال قالدیقلری نشانه لری کون ساین یوق ایتیله یشیگه بوگون گواه میز.
اونینگ کوپه یتیریشیچه، اۉتگن ییگیرمه ییل ایچیده، جمله‌دن، مملکت اشغالی، کابل شهری نینگ یشیل و دیپلوماتیک حدودی امریکا و نا‌تو حاکمیتی آستیده ایدی، لله لحمد بوگونگی مراسم طبیعتن جوده مهم بولیب، بویوک مستملکه‌چیلیک و ظلم نینگ توگه‌شینی بیلدیره‌دی.
کیینچه لیک ریاست الوزراء مقامی دفتری نینگ عمومی ریاستی نینگ فرهنگ و منیاتوری ایشلر باشلیغی مفتی محمد ذاکری و کابل شهردارلیگی یشیللشتیریش باشلیغی حرمتلی مولوی عبدالوکیل افغانلرنینگ آسایشته لیک و تینچلیگی بولیمیده اسلام امیرلیگی بویوکلری سعی و حرکتینی آلقیشلب، برچه امارتی اداره لر و وزیرلیکلرنینگ توسیقلر کوتریلیشی بوییچه همکارلیگیدن منتدارچیلیک قیلدیلر.
شونینگدیک، کابل شهردارلیگی نینگ ایش، ترمیملش و نظارت ریاستی اورین باسری انجنیر شریف الله قادری نینگ ایتیشیچه، ساغلیقنی سقلش تورت یولیدن آریا‌نا جاده سیگچه بولگن یول اوچ آی ایچیده بیر کیلو متر و اون آلتی متر اینیده ۱۵ میلیون افغانی خرجت بیلن پیشیق و اساسی شکلده قوریلگن.
سونگ عدلیه وزیرلیگی نینگ مسلکی معینی حرمتلی شیخ عبدالکریم حیدر نینگ دعائیه سی همده ریاست الوزراء مقامی دفتری عمومی باشلیغی داکتر ملا عبدالواسع بویروغی بیلن ساغلیقنی سقلش تورت یولی آچیلدی.#
