افغانستان اسلام امیرلیگی ریاست الوزراء سیاسي اورین باسری حرمتلی مولوی عبدالکبیر بوگون افغانستانده‌گی قطار خصوصي بیلیم یورتلر نماینده‌لر و مسووللری بیلن اوچره‌شدی.
اوشبو اوچره‌شووده خصوصي بیلیم یورتلری نماینده‌لری ریاست الوزراء سیاسي اورین باسری نینگ مملکت تعلیم و تحصیل‌گه همکارلیگی اوچون سکتور نامیدن منّتدارچیلیک بیلدیردیلر و اولر نینگ آوازی اسلام امیرلیگی رهبرلری تامانیدن وقتیده ایشیتیلگنلیگینی قوشیمچه قیلیشدیلر.
خصوصي بیلیم یورتلری نماینده‌لری افغانستانده‌گی خصوصي تعلیم و تحصیل سکتورینی یاش اولادنی تربیه‌لشده قیمتلی دیب اتشدی و عینِ دَمده خصوصي عالي بیلیم یورتلری و عالي تعلیم مؤسسه‌لریده مینگلب استادلرنینگ اوقتیش بندلیگی بیلن بیر قطارده، یوز مینگلب محصللر هم بارلیگینی تأکیدله‌دیلر.
رسميلر استه-سیکین افغانستان خصوصي بیلیم یورتلری نینگ مقامی خلق ارا تعلیم مؤسسه‌لری بیلن تبنگلشیشینی و بو باره‌ده اسلام امیرلیگی همکارلیگیده کوپلب سعی-حرکتلر عملگه آشیریلگنینی تاکیدله‌دیلر.
خصوصي بیلیم یورتلری مسووللری ریاست الوزراء سیاسي اورین باسریگه اوز معمالرینی اورتاقلشدی و ضرورت توغیلسه، مملکتده‌گی خصوصي تعلیم سکتوری اوچون کوپ قیرّه‌لی کمیته تشکیل ابتیشنی تکلیف قیلیشدی.
ریاست الوزراء سیاسی اورین باسری حرمتلی مولوی عبدالکبیر خصوصی بیلیم یورتلرینی استادلرینی خوش کیلیب سیزلر دیب، ینگی اولادنی تربیه‌لشده مهم رول اوبنه‌یدیگن خصوصي بیلیم یورتلرب و اکادمیک مؤسسه‌لر موجودلیگی مهم‌لیگینی تأکیدله‌دی.
حرمتلی مولوی عبدالکبیر اسلام امیرلیگی علم و تعلیم طرفداری ابکنلیگینی و خصوصي سکتورگه ابنگ یخشی امکانیتلرنی تقدیم ایتیشگه حرکت قیلیشینی بیلدیردی.
حرمتلی سیاسي اورین باسر اسلام امیرلیگی دینی و زمانه‌وي تعلیمنی قدرلشینی و شو سببلی دیني و زمانه‌وي فنلر اورته‌سیده‌گی تفاوت و ضدیت یوقالگنینی ایتدی.
خصوصی بیلیم یورتلری مسووللری و وکیللریگه مراجعت قیلر ایکن، اولر نینگ تکلیفلری کوریب چیقیلیشی، معمالرنی برطرف ابتیش بوییچه حرکت قیلیشینی ایتدی.
اوچره‌شوو سونگیده محترم مولوي عبدالکبیر اسلام امیرلیگی نینگ دستلبکی مقصدلریگه ابریشیلگنی و عینِ دَمده اسلام امیرلیگی نینگ قیشلاقلر، منطقه و دنیا بیلن علاقه‌لری یخشی حالتده ایکنینی ایسله‌تیب اوتدی.#
