افغانستان اسلام امیرلیگی ریاست الوزراء سیاسی اورین باسرلیگی نینگ دفتر باشلیغی حرمتلی مولوی ذاکرالله ذاکر بوگون توشدن آلدین بویوک بریتانیانینگ افغانستانده‌گی ایلچیخانه‌سی شارژدافیری رابرت دیکسن اوچره‌شدی.
بو اوچره‌شووده اسلام امیرلیگی و بویوک بریتانیا اورته‌سیده‌گی سیاسي علاقه‌لر و بو دولت نینگ افغانلرگه کورسه‌ته‌یاتگن انسانپرورلیک یاردمی اوستیده بحث قیلیندی.
دستلب دیکسن جنابلری نینگ ایتیشیچه، لندن افغانستانگه تورلی ساحه‌لرده یاردم بیریشده دوام ایتماقده.
اونینگ سوزلریگه کوره، بریتانیا حکومتی اقلیم اوزگریشینی باشقریش و اونینگ عاقبتلرینی کمه‌یتیریشده افغانستانگه یاردم ببریش و همکارلیک قیلیشگه بیل باغلگن.
بریتانیا ایلچیخانه‌سی نینگ شارژدافیری اسلام امیرلیگی خلق‌ارا همجمعیت نینگ بیر قِسمیگه ایلنیشی و موجود معمالرنی ملاقات آرقه‌لی حل قیلیشی ضرورلیگینی قوشیمچه قیلدی.
ریاست الوزراء سیاسی اورین باسرلیگی دفتری باشلیغی مولوي ذاکرالله ذاکر بویوک بریتانیانینگ افغانستان بوییچه شارژدافیرینی خوش کیلیب سیز دیب، مملکت نینگ افغانلرگه کورسه‌تیله‌یاتگن انسانپرورلیک یاردمینی مهم دیب حسابله‌دی.
حرمتلی ذاکر اسلام امیرلیگی دنیا بیلن ایجابي همکارلیک قیلیشنی ایستشینی و ملاقاتگه اوستوار اهمیت بیریشینی قوشیمچه قیلدی.
اونینگ سوزلریگه کوره، حاضرده افغانستان اقلیم اوزگریشی طفیلی جدّي ضرر کورماقده و بو باره‌ده خلق‌ارا یاردم و اولرنینگ مسوولیتی باره‌سیده تاکیدله‌دی.
اوچره‌شوونی دوام ابتتیرگن مولوی ذاکرالله ذاکر اسلام امیرلیگی نینگ سیاستی انیق و افغانستان حدودیدن هیچ قَیسی تامانگه قرشی فایده‌لنیشگه رخصت بیرمسلیگینی ایتدی.
اونینگ سوزلریگه کوره، اسلام امیرلیگینی ناتوغری تنقید قیلیش و زورآورلیکنی قوزغه‌تیش بو ییچیم ایمس دیر، اینگ یخشیسی شوکه باشقه مملکتلر اوز خوطرلرینی توغریدن توغری افغانستان حکومتی بیلن شریک قیلسین.#
