آیلیکلر و تشکیلاتنی تنظیملش کمیسیونینینگ اعضالری شامل هیآت، افغانستان اسلام امیرلیگی ریاستالوزرا اداری اورینباسری مولوی عبدالسلام حنفی جنابلری باشچیلیگیده بوگون پلچرخی قماقخانهسینینگ برچه حبسگه بولگنلر احوالینی کوزدن کیچیردی.
اوشبو اوچرهشووده، حبسگه بولگنلرنینگ، خدمت ییتکزیش ایشلری و ساغلیق احوالی، پلچرخی قماقخانهسیگه بولگن برچه حبسگه بولگنلرنینگ حقوقی و شرعی مسألهلری بهالنیب اداری خدمتلرنی یخشیلش، ساغلیقنی تأمینلش، سوو، آزیق آوقت همده حبسدهگیلرنینگ ایشلریگه یخشیراق ییتیشش حقيده بحث و نظر المشتیردیلر.
عین حالده مذکور هیآت، کیلینکده آلیب باریلهدیگن صحی خدمتلر، دم آلیش ساحهلر و تورر ییرلری، نظافت احوالی همده قماقخانهنینگ باشقه قولیلیکلرینی تیکشیردیلر.
شونینگدیک تیگیشلی مسؤوللر، اسلامی شریعت اساسیده قماقدهگیلرنینگ شرعی حقلرینی نظرگه توتیب معامله قیلیشلری و اولرنی اساسی احتیاجلری حقیده جدی و عملی آدیملرنی کوتاریشلریگه تاکید قیلیندی.
برچه قماقخانهده بولگن کیشیلر، هیآتنینگ اوشبو کوزدن کیچیریشلریدن خرسندچیلیک بیلدیریب، اوز پیشنهاد همده مشوره لرینی مذکور کیشیلربیلن اورتاقلشدیلر.#
