افغانستان اسلام امیرلیگی ریاست الوزراء عالی مقامی عمومی دفتری باشلیغی حرمتلی داکتر ملا عبدالواسع بوگون ایرتلب یونامانینگ سیاسی بولیمی مسوولی سکات سمیت جنابلری بیلن اوچره شدی.
ارگ ده بولیب اوتگن بو اوچره شووده، ریاست الوزراء عالی مقامی عمومی دفتری نینگ باشلیغی حرمتلی داکتر ملا عبدالواسع یوناما سیاسی بولیمی مسوولی نی خوش کیلیب سیز دیب، یونامانینگ مثبت سعی و حرکتیدن منتدارچیلیک قیلدی.
سکات سمیت جنابلری، افغانستان اسلام امیرلیگی نینگ رواجله نیشلریگه اشاره قیلیب ایتیشیچه، بو توغریده پیامینی خلق ارا همجمعیت گه ییتکزگن و بیرلشگن ملتلر تشکیلاتی نینگ ییغینیده افغانستان رواجله نیشلرینی انعکاس بیریش و اسلام امیرلیگی پیامینی اولرگه ییتکزیش اوچون تلاش قیله دی.
یوناما سیاسی بولیمی مسوولی، مذاکره یولی بیلن افغانستان و خلق ارا همجمعیت اورته سیده مثبت علاقه و ایشانچ فضا آلیب کیلیش همده بحث آرقلی موضوعلرگه اساسی حل یول قیدیریلیشی اوچون کوشش قیلیشینی ایتدی.
حرمتلی داکتر ملا عبدالواسع، اسلام امیرلیگی بویوکلری چقیریلن و اشتراکی بولگن خلق ارا ایریم ییغینلر فایده‌لی توشگن. بیزلر هر دایم مذاکره و تفاهم آرقلی مهم موضوعلر اوستیده بحث و فکر المشتیریلیشی اوچون حاضر میز. اونینگ کوپه یتیریشیچه، مثبت تعامل، هماهنگلیک و تفاهم یولی بیلن قیینچیلیککه ییچیم یول تاپیب پیاملرنی شریک قیلیش ممکن دیر.
اونینگ قوشیمچه قیلیشچه، اسلام امیرلیگی مملکت یشاوچیلریگه خدمت قیلیش و آسانلیک یره‌تیش، بوتونله امنیتنی تامینلش، مخدر ماده نینگ الدینی آلیش، اقتصادی رواجله نیش، ترقیات پروژه لرنی تطبیق ایتیش و باشقه بولیملرده یخشی یوتوقلری بار بولر نظرده توتیلیشی کیره ک.
ریاست الوزراء عالی مقامی عمومی دفتری باشلیغی نینگ تاکیدله شیچه، دنیا کیچیک و حقیقت دن اوزاق بولگن مساله لر اوستیده توخته لیش دن کوره، اسلام امیرلیگی اوزگریشلرینی یقین دن کوریب و اوزلرینی اصلی واقعیتلردن باخبر قیلیشی کیره‌ک
