ایش ملی کنفرانسی افغانستان اسلام امیرلیگی ریاست الوزراء سیاسی و اداری اورین باسرلری حضوریده بوگون توشدن آلدین ارگ نینگ سلام خانه قصریده آچیلدی.
ایش و اجتماعی ایشلر وزیرلی ابتکاری بیلن اوتکزیلگن مذکور کنفرانس ده ریاست الوزراء اورین باسرلریدن علاوه کابینه نینگ بیر قنچه اعضالری، خصوصی سکتور نماینده لری، دین عالملری، خلق ارا تشکیلاتلر نماینده لری و بیلیم یورتی استادلری اشتراک قیلگن ایدیلر.
دستلب ایش و اجتماعی ایشلر وزیرلیگی سرپرستی ملا عبدالمنان اشتراکچیلرنی خوش کیلیب سیزلر دیب، مذکور کنفرانس نینگ هدفی باره سیده معلومات بیریب ایتیشیچه، اسلام امیرلیگی خلق نینگ قیینچیلیکلرینی انابت گه آله دی و بوتون مملکت بویلب مستقیم و غیر مستقیم بیر شکلده وطنداشلریمیزگه ایش زمینه سینی یره تیب بیرگن دیر.
مملکت ده گی ایش سیزلیک همده قشاقلیککه قرشی کوره ش بوییچه هماهنگ برچه اداره لرنینگ قوشمه مبارزه سیگه احیاج بار دیب، بو کنفرانس بیزلر اوچون جوده مهم دیر و تیگیشلی اداره لر، صنعتی سکتورلر، کانلرنی قازیب چیقاریش، ایکینچیلیک و باشقه باشقه لر بیلن بیرگه هماهنگ لیکده مردم گه کوپراق ایش شرایطینی یره تیب بیریش اوچون تلاش قیله میز.
کیینچه لیک ریاست الوزراء عالی مقامی عمومی دفتری باشلیغی حرمتلی الحاج داکتر ملا عبدالواسع اوشبو کنفرانس نی اوتکزگنلردن اوز منتدارچیلیگینی اظهار قیلیب، اسلام امیرلیگی نینگ پالیسیسی اقتصادگه یونلتیریلگن دیر و اسلام دینی ایسه برچه مسلمانلرنی حلال روزی اوچون تشویق و ترغیب ایتگن دیب تیلگه آلدی.
سونگره او افغانستان اسلام امیرلیگی باش وزیری نینگ ایش ملی کنفرانسی توغریسیده گی پیامینی اوقیدی و اوشبو پیام ده قوییده گیچه یازیلگن: ایش سیزلیک و قشاقلیک جامعه میزنینگ کته قیینچیلکلریدن دیر و ایسه سونگگی قیرق بیش ییللیک اوروش و ارلشوونینگ نتیجه سی دیر و ایسه اسلام امیرلیگیگه میراث قالگن.
اسلام امیرلیگی باش وزیری نینگ پیامیده خصوصی سکتورنینگ خادملریدن اسلام امیرلیگی تامانیدن ایش اوچون همده سرمایه کیریتیش توغریسیده یره تیلگن زمینه دن یخشی صورتده فایده له نیشلرینی سوره ب، احتیاج بولگن ساحه لرده اوز فعالیتلرینی کینگه یتیریش نی ایسته دی تاکه برچه قوشمه بیر شکلده ایش سیزلیک همده قشاقلیککه قرشی کوره ش ایجابی ایش عملگه آشیریلسه.
شونینگدیک حرمتلی باش وزیرنینگ مذکور پیامیده یاردم بیرووچی تشکیلاتلر و مملکت لردن افغانستان بیلن ایش جایلرینی یره تیب بیریش اوچون قول قوییلگن کیلیشوولر اساسیده افغانستان اهالیسیگه بونده ی بیر خاص شرایط ده ایش زمینه سی و ایشچیلرنی استخدام قیلیش ده همکارلیک ایتیشلرینی طلب قیلدی.
سونگره ریاست الوزراء سیاسی اورین اورین باسری حرمتلی مولوی عبدالکبیر اسلام امیرلیگی مردم نینگ برچه قیین چیلیکلری برطرف بولیشی اوچون متعهد دیر دیدی. اونینگ قوشیمچه قیلیشیچه، ایش سیزلیک نینگ ایریم عامللری جمله دن دایمی اوروش، اشغال، بشری کوچ آزلیگی، مافیایی و جرمی اقتصاد و افغانستان نینگ محصولاتی دنیا مارکیتلرگه ییتمسلیگی کبی موردلرگه اشاره قیلیب، اسلام امیرلیگی درست تدبیر و مسوولیت یوزه سیدن بو توغریده ایجابی و ثمره لی مبارزه بجرگن دیب ایتدی.
اونینگ تاکیدله شیچه، اسلام امیرلیگی ایریم چیکلاولرگه قره مه ی، ایش سیزلیک عامللریگه ینگی حل یوللر تاپگن دیر، ترانزیت یوللرنی آچگن، قوشنی همده منطقه مملکتلری بیلن ایزگو مناسبت گه اوتگن و خصوصی سکتورگه ایسه سرمایه یاتقیزیش اوچون لازم بولگن قولیلیکلرنی یره تیب بیرگن.
ریاست الوزراء سیاسی اورین باسری نینگ سوزلریگه کوره، هنوزگه اسلام امیرلیگی تورلی بولیملرده وطنداشلریمیزگه ایش زمینه سینی یره تیب بیرگن قوشنی مملکتلر شامل عرب دولتلری بیلن افغان مسلکی هده یرم مسلکی ایشچیلرینی ایش اوچون او مملکتلرگه یوباریش خصوصیده کیلیشماقده دیر.
کیینچه لیک اداره امور عمومی باشلیغی شیخ نورالحق انور اوزی نینگ صحبتلریده اسلام امیرلیگی مدیریتی بولیملرده تجربه لی همده اکادمیک سابقه سی بولگن کیشیلرنی وظیفه گه آلگن، اداره لرده سالم رقابت فضاسی حاکم دیر و کیشیلر ایسه اهلیت و شایستلیک اساسیده مقرر ایتیله دیلر.
سونگ کانلر و پترولیم وزیرلیگی نینگ سرپرستی مولوی هیدایت الله بدری، تشقی ایشلر وزیرلیگی سرپرستی مولوی امیرخان متقی، صنعت و تجارت وزیرلیگی سرپرستی نور الدین عزیزی، ایکینچیلیک، سوغاریش و چارواچیلیک وزیرلیگی سرپرستی مولوی عطاوالله عمری، اقتصاد وزیرلیگی سرپرستی قاری دین محمد حنیف و عالی تحصیلات وزیرلیگی سرپرستی شیخ ندا محمد ندیم ایش زمینه سی باره سیده اداره لری نینگ بجرگن ایشلری همده بو کنفرانس نینگ اهمیتی اوستیده توخته لیب معلومات بیردیلر.
اولر افغانستانده ایش جایلری یره تیلیشی توغریسیده دنیا جماعه چیلگی همکارلیگینی سوره ب، ایشلب چیقاریشنی کوپه یتیریش، فابریکه لر فعالیتی آرقلی ایش فرصت لرینی ایجاد قیلیش، تورلر قیمتی و آلیب کیلیشنی کمه یتیریش، منطقوی همده خلق ارا شریکلر بیلن تجاری مناسبتلرنی کینگه یتیریش بیلن افغانستان خوف سیز ترانزیتی یولگه ایلنتیرگن دیر دیدیلر.
ایشلش خیر یولی و قوتیلیش دیر و حضرت محمد صلی الله و علیه وسلم ایشلشگه تلاش ایتیشنی تاکیدله گنلر دیب اشاره قیلگن مذکور مسووللر نینگ سوزلریگه کوره، اسلام امیرلیگی پیروزلیگی بیلن ایش جایلرینی یره تیش و ییریک زیربنایی پروژه لرنی عملگه اشیریش توغریسیده کوزگه کورینرلی رواجله نیشلر یوز بیرگن دیر ایکینچیلیک، صنایع، مخابرات، تعلیمات و قول صنعتی سکتوری نینگ ایش جایلرینی یره تیش بوییچه یخشی نقشلری بولگن و بونینگ کوچه یتیریش اوچون کوپراق توجه بولیشی کیره ک.
اولرنینگ قوشیمچه قیلیشیچه، ایچکی همده تشقی سرمایه یاتقیزووچیلرگه سرمایه کیریتیش اوچون ایش زمینه لرینی یره تیب بیریشگه اولگوره میز، برچه تاجرلردن مملکت ایچکی محصولاتلرینی ایشلب چیقارگندن سونگ چیت ایلگه یوباریشلری کیره ک وایش تاپیش اوچون خصوصی سکتور بیلن چرچه مس دن تلاش قیله میز.
شونینگدیک اوشبو کنفرانس ده افغانستانده گی ایش خلق ارا تشکیلاتی نینگ باشلیغی داکتر رامین بهزاد، ایش خلق ارا تشکیلاتی ایش جایلرینی یره تیش، تشبثات کوچه ییشی، ایش ضمانتی و اجتماعی مصونیت بولیملریده لایحه نی قولگه آلگن دیب ایتدی.
ایش خلق ارا تشکیلاتی افغانستان بیلن اوز همکارلیگیگه دوام بیره دیب دییه تیلگه آلگن بهزاد جنابلری نینگ ایتیشیچه، سونگی وقتلرده محلی مهارتلرنی رواجلنتیریش اوچون تلاش قیلگن میز و مردم نی ایش جایلری بیلن تامینلش قشاقلیک نی کمه یتیریشگه ایشانه میز.
شونینگدیک تجارت و سرمایه کیریتیش اتاق باشلیغی محمد یونس مومند و ایشلاوچلر بیرلشمه سی نماینده لریدن بیری انجنیر نورالدین فاروقی اوزلری نینگ صحبتیده مملکت ده خوفسیزلیک تامینلنگنیدن خورسندلیک قیلیب ایتیشلریچه، افغانستان ییریک طبیعی کانلرگه ایگه دیر و اونده کینگ کولمده فایده له نیش کیره ک. اولر بشر کوچ ایش بازاری تقاضاسی اساسیده جامعه گه تقدیم بولیشی خصوصیده امید قیلدیلر.
مذکور کنفرانس ده کابل بیلیم یورتی اقتصاد پوهنځی استادی پوهنیار وحیدالله فریادی "ایشلب چیقاریش ده گی نسبی مزیت، ایکینچیلیک محصولات صادراتی؛ افغانستان ده ایش جایلرینی یره تیش فرصتی" عنوانلی مقاله سینی اوقیدی.
ایتیش کیره ک که ایش ملی کنفرانسی ایرته گه هم دوام ایته دی و اونده اسلام امیرلیگی نینگ ریاست الوزراء اقتصادی ایشلر بوییچه اورین باسری صحبت قیله دی، ایش کمیته لری بحث لری نتیجه سینی تقدیم قیله دیلر، علمی و تحقیقی مقاله لر اوقیله دی امارتی تورلی اداره لر اورته سیده کیلیشوولرگه قول قوییله دی.#
