افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین پکیتیکا ولایتی سروبی اولسواللیگی نینگ بیر قطار دین عالملری و آقسقاللری اوچره‌شدی.
دستلب اوشبو دین عالملر همده آقسقاللر پکتیکا ولایتی سروبی اولسواللیگی نینگ اجتماعی اقتصادی و خوفسزلیگی حقیده ریاست الوزراء اداری اورین باسرلیگیگه معلومات بیردی.
شونینگدیک اولر خوفسیزلیک تامینله‌نیشی، تینچلیک و مردم گه خدمت قیلیش یولیده اسلام امیرلیگی مجاهدلری و محلی اداره‌لر فعالیتی و قیلمیشیدن خرسندلیک بیلدیریشدن علاوه اسلام امیرلیگی نینگ مسووللریدن اوشبو اولسوالیکده مدرسه‌لر، مکتبلر، ساغلیق کیلینیکلر، قتناو یوللر قوریلیشی و ترقیات پروژه‌لر عمل آشیریلیشی اوچون توجه قیلیشلرینی سوره‌دی.
افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی پکتیکا ولایتی سروبی اولسواللیگی دین عالملری و آقسقاللرینی خوش کیلیب سیزلر دیب، اسلام امیرلیگی مسووللری اهالی پیشنهادی و نظرینی ایشیتیشنی خوش قرشیله‌یدیلر و تورلی بولیملرده اهالیگه خدمت قیلیشنی اوز مسوولیتلری دیب انگله‌یدیلر دیب تیلگه آلدی.
ریاست الوزراء اداری اورین باسری مسووللر امکان قدر اهالی نینگ ایستگیگه ییتیشیش اوچون سعی و حرکت قیله‌دیلر دیب ایتدی.#
