اقتصادی کمیسیون نینگ نوبتده‌گی ییغینی بوگون افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند باشچیلیگیده مرمر قصریده بولیب اوتدی.
بو ییغین ده ملی ترقیات استراتیژیسی مسوده‌سی بحث گه آلیندی، بونینگ اوستیده هر تیکشیروو الیب باریلیب و اقتصادی کمیسیون تعدیلاتی نظرده تولیگندن سونگ تصدیقلندی.
ملی ترقیات استراتیژی مسوده‌سی جامع، واحد و اوزاق مدتلی بیر حجت دیر و بیش ییللیک ملی اساسی مقصد تعیین و تحقق بولیشی اهداف که اقتصادی اورین باسرلیک رهبریتی، اقتصاد وزیرلیگی سکرتریتی و تیگشیلی وزیرلیکلر مشترک همکارلیگیده ترتیب بیریلگن.
اوشبو استراتیژی ثبات، مرفه، منطقه د نیا بیلن ایزگو علاقه ده بولیشنی نظرده توتگن افغانستان بولیب و بونینگ آماجی اسلامی شریعت قانونی تحکیمی، اصل موثریت تامینی، شفافیت و جوبگرلیک، منطقه و دنیا بیلن ثمره لی ایزگو علاقه، سراسری خوفسیزلیک و تینچلیک تامینله‌نیشی، ایش جایلری و اقتصاد اوسیشی، ملی و دینی قدریتلر سقله‌نیشی، ملی و طبیعی منبعلد مدیریتی ثمره‌لی ارتقا قیلیشی، اساسی خدمت کورسه تیش، صنعت، تجارت و خصوصی سکتور رواجله نیشی، زیربنا توسعه ایتیلیشی، منطقوی اتصال، اجتماعی مصونیتی ارتقاسی و یشش محیط یخشیله‌نیشی دن عبارت.
اقتصادی کمیسیون اوشبو جلسه سیده، مالیه وزیرلیگیگه نورستان ولایتی مندول اولسواللیگیده همده بو ولایت نور گرام اولسواللیگی کله گوش منطقه سقده برق بندلری امکان سنجلیگی مطالعات پروژه‌سی ۱۴۰۴ ییل مالی بودجه‌سیگه آلینیشینی بویوردی.
ییغین سونگگیده بغلان ولایتی خنجان اولسواللیگی ده تیر پارک ایجاد بولیشی و غزنی ولایتی مرکزیده ییرتوله تجارت مرکزی خصوصی سکتور آرقلی قوریلیشی تصدیقلندی.
اوشبو طرح لر اساسیده خصوصی ستکور بغلان ولایتی خنجان اولسواللیگی تیر پارکی قوریلیشیده ۲۰۹ میلیون افغانی و غزنی ولایتیده ۵۱۱ دکان نی اوزیگه قاپله‌گن ییر توله تجارت مرکزی قوریلیشی اوچون ۳۰۹ میلیون سرمایه یاتقیزیلیشی کوتیله‌دی.
بو موضوعلر منظور قیلینیشی مقصدیده عالیقدر امیرالمؤمنین حفظه الله تعالی دفتریگه یوباریلدی.#
