افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ تخار ولایتی نینگ بیر قنچه عالملری، مجاهدلری همده آقسقاللری بیلن اوچره شیب ملاقات قیلدی.
بو اوچره شووده اولرنینگ ایتیشیچه، مذکور ولایت نینگ خلقی جهاد زمانیده اشغالچیلر برابریده هیچ قنده ی فداکارلیک نی دریغ ایتمه گنلر و کیله جک ده اسلامی نظام نی حفاظت قیلیش، حراست و اولکه آزادلیگی مقصدیده هر قنده ی ایثار و فداکارلیککه تیارلر.
اولرنینگ سوزلریگه کوره، تخار ده کانلر قازیب چیقاریلیب و زراعت و باغدارلیک حمایت بولگن حالده، اهالی نینگ کته قسمی ایش جایلری بیلن تامینلنه دیلر. شونینگدیک اولر اسلام امیرلیگیدن تعلیم و تربیه، ساغلیقنی سقلش، قتناو یوللری و انکشافی ایشلرگه توجه قیلیشلرینی ایسته دیلر.
کیینچه لیک ریاست الوزراء اداری اورین باسری حرمتلی مولوی عبدالسلام حنفی مذکور دین عالملری همده آقسقاللرنی خوش کیلیب سیزلر دیب، اشغالچیلر برابریده تخار ولایتی مردمی نینگ جانفشانلیگینی تحسین ایتیب ایتیشیچه، تورلی بولیملرده یشاوچیلرگه خدمت قیلیش همده اولرنینگ قیینچیلیکلرینی برطرف ایتیش اسلام امیرلیگی نینگ اولویتلریدن حسابلنه دی.
حرمتلی مولوی عبدالسلام حنفی اوزی نینگ صحبتلری اداغیده ایتیشیچه، اسلام امیرلیگی اوزی نینگ قولده گی امکاناتی بیلن قیینچیلیکلر حل بولیشی و اولرنینگ ایستکلرینی تیرگش اوچون لازم چاره تدبیرلر بجریله دی.#
