افغانستان اسلام امیرلیگی ریاست الوزراء نینگ سیاسي اورین‌باسری حرمتلی مولوی عبدالکبیر کیچه کیچقورون اسلام امیرلیگی نینگ سیاسی کمیسیون اعضاسی حرمتلی حافظ انس حقانی حضوری بولگن اولتیریش بویوک بریتانیانینگ افغانستانده‌گی ایلچیخانه‌سی نینگ شارژدافیری رابرت دیکسن بیلن اوچره‌شدی.
بو اوچره‌شووده جناب رابرت دیکسن اسلام امیرلیگی و بیرلشگن قیراللیک وکیللری اورته‌سیده‌گی اوچره‌شوونی هر ایکّی تامان اوچون فایده‌لی دیب اته‌دی و اَیریم معمالرنی حل ایتیش اوچون مهم قدم بولگنینی تیلگه آلدی.
رابرت دیکسن نینگ اسلام امیرلیگی بیلن مذاکره‌لر دوام ایتیشی و کوپراق اوچره‌شوولر اوتکزیش طرفداری ایکنینی ایتیب، بریتانیا حکومتی اسلام امیرلیگی مخالفلری نینگ بو دولتده‌گی فعالیتیگه رخصت بیرمسلیگینی قوشیمچه قیلدی.
اونینگ توشونتیریشیچه، بویوک بریتانیا برقرار افغانستان ایسته‌یدی و گومانیتار یاردم و اقلیم اوزگریشی بوییچه همکارلیکنی دوام ایتتیرماقده. اونینگ ایتیشیچه، اسلام امیرلیگی نینگ دوحه‌ده‌گی اوچینچی ییغیلیشده اشتراک ایتیشی قیمتلیدیر و افغانستان هیاتی نینگ تنلنگن موضوعلر بوییچه تولیق تیارگرلیگینی یوقاری بهاله‌دی.
اوچره‌شوونی دوام ایتتیرر ایکن، بویوک بریتانیانینگ افغانستان بوییچه شاژدافیرب وضعیتنی کوزه‌تیب باره‌یاتگنینی تأکیدلب، یقینده یوز بیرگن طبيعي آفتلردن جبرلنگنلرگه تیز یاردم کورسه‌تیش نینگ یخشی یولگه قوییلگنی همده قوشنی دولتلردن قاچقینلرنی توختگنینی قیلیش جریانینی یوقاری بهاله‌دی.
جناب دیکسن کیلگوسیده بعضی مهم مسأله‌لر بوییچه ایکّی تامانله‌مه اوچره‌شوولر تشکیل ایتیشنی تکلیف قیلدی و لندن اسلام امیرلیگی و غرب دنیاسی اورته‌سیده‌گی مناسبتلرنی اورنه‌تیشگه یاردم ببریشگه حرکت قیله‌یاتگنینی تأکیدله‌دی.
حرمتلی حافظ انس حقّاني بویوک بریتانیا نینگ افغانستانگه کورسه‌ته‌یاتگن یاردمی اوچون منّتدارلیک بیلدیریب، بویوک بریتانیا ایچیخانه‌سی نینگ افغانستانگه تشریفی افغانستان اوچون فایده‌لی ایکنینی تأکیدله‌دی و افغانستانده تولیق خوفسیزلیکنی تأمینلش تشویشی بیلن خارجي دیپلوماتلر نینگ فعالیتی یخشی اېپیکنینی تأکیدله‌دی.
جناب حقّاني نینگ قوشیمچه قیلیشیچه، کابل و لندن کوپ امکانیتلرگه ابگه بولیب، اولردن فایده‌لنیب، معمالرنی حل ابتیشده مهم اهمیت کسب ایتیشی ممکن.
حرمتلی حافظ انس حقّاني افغانلرگه کانسوللیک خدمتلری کورسه‌تیش اوچون لندده‌گی افغانستان ایلچیخانه‌سی فعالیتینی یولگه قوییشگه چقیردی و بو باره‌ده بیرگه‌لیکده همکارلیک قیلیشنی سوردی.
ریاست الوزراء سیاسي اورین‌باسری بویوک بریتانیا نینگ شاژدافیری و اولر نینگ یولداش هیتاتینی خوش کیلیب سیزلر دیب، بویوک بریتانیا نینگ افغانستان بوییچه مؤقت ایشلر وکیلی نینگ کابل و لندن اورته‌سیده‌گی مناسبتلرنی سه‌قلب قالیش باره‌سیده‌گی سعی-حرکتلرینی یوقاری بهاله‌دی.
حرمتلی سیاسي اورین مملکتده انسان حقوقلریگه تولیق اعتبار بیریلگنی و بو باره‌ده اسلام امیرلیگی یتکچیلیک قیله‌یاتگنینی توشونتیردی.
محترم مولوی عبدالکبیر اسلام امیرلیگی اوز وعده‌لرینی بجرگنی و حاضرده افغانستانده گیاهوند مادّه‌لر ییتیشتیریش و تجارتی صفرگه توشگنینی، شونینگدیک، گیاهوندلرنی دوالش ثمره‌لی دوام ایته‌یاتگنینی توشونتیردی.
اوچره‌شوو یکونیده مولوي عبدالکبیر کابل و لندن اورته‌سیده‌گی ایجابي مناسبتلر دوام ایتیشینی تاکیدله‌دی.#
