افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ ایهاها خیریه موسسه‌سی نینگ باشلیغی حرمتلی سلیمان ایپلی و بو موسسه نینگ اساسچیلریدن بولمیش حرمتلی محمود ارسلان و حرمتلی آدم قلیجی بیلن اوچره شیب ملاقات قیلدی.
بو اوچره‌شووده دستلب اولر مذکور خیریه موسسه نینگ فعالیتی، ایشلری و ریجه‌لری توغریسیده ریاست الوزراء اداری اورین باسریگه معلومات بیریب ایتیشلریچه، موسسه مسووللری افغانستانده خیریه ایشلر بجریلیشی و اولرنینگ فعالیتی جریانیدن خوشحاللر و افغانستانده اوزلری نینگ خیریه فعالیتلریگه دوام بیره دیلر.
اولرنینگ سوزلریگه کوره ایهاها خیریه موسسه‌سی دهقانلرگه اصلاح ایتیلگن اوروغ کمک قیلیش و یتیملر همده قشاقلرگه یاردم بیریش کبی برنامه لر بیلن شغللنه دیلر و کیله جک لرده اوز انسان پرورلیک فعالیتلرینی کینگه‌یتیره دیلر.
کیینچه‌لیک ریاست الوزراء اداری اورین باسری حرمتلی مولوی عبدالسلام حنفی ای هاها خیریه موسسه سی مسووللری بیلن اوچره شگنی استقبال قیلیب اولرنینگ انسان پرورلیک یاردملریدن قدردانلیک قیلدی.
ریاست الوزراء اداری اورین باسری افغانستان و تورکیه اوزاق مدتلی دینی، فرهنگی، اقتصادی و سیاسی مناسبت گه ایگه دیر و بو علاقه لر آلدین دن کوره کوپراق کینگه ییب مستحکمله‌نیشیگه امید بیلدیره میز دیدی.
شونینگدیک حرمتلی مولوی عبدالسلام حنفی ایهاها موسسه‌سی نینگ مسووللریدن انسان پرورلیک بوییچه یاردملرینی کینگه یتیریشنی سوره‌دی.#
