افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر تیناوون کیچ قرون کابل ده جامعه شمس علوم روحانیه مدرسه سیده نبی کریم (ص) سیرتیگه بغیشلنگن ییغیلیش ده اشتراک قیلیب گپیردی.
عالی تحصیلات وزیرلیگی سرپرستی دن علاوه بیر قنچه عالملر، مجاهدلر و وطنداشلریمیز اشتراک قیلگن بو ییغیلیش ده حرمتلی مولوی عبدالکبیر نبی کریم (ص) سیرتی و اخلاقی ارزشی باره سیده صحبت قیلیب، مسلمانلر اوز حیاتلریده اسلامی اخلاقنی عملی قیلیشلری باره سیده تاکیدله دی.
حرمتلی سیاسی اورین باسرنینگ کوپه یتیریشیچه، ملت نینگ قربانلیگی نتیجه سیده بخت گه موافق مملکت نینگ بوتون جغرافیه سیده اسلامی نظام حاکم دیر و دینی قدریت لر یاروغلیگیده اسلامی نظام آرقلی خلق گه خذمت کورستیله دی.
ریاست الوزراء سیاسی اورین باسری، اسلام امیرلیگی مسووللری همده مجاهدلرنینگ خلق بیلن یخشی یانده شیشی باره سیده کوپه یتیریب ایتیشیچه، مسووللر اوز ایشلریده نبوی اخلاق و اسلامی احکامنی رعایت قیلیش ده توجه قیلیشلری ضرور.
شونینگدیک حرمتلی سیاسی اورین باسری تورلی بولیملرده عالملرنینگ مصلحتیگه نیاز بار دیب تاکیدله شیچه، عالملر اوزلری نینگ اصلاحی فکر و نظرلرینی تیگیشلی اداره لر آرقلی مثبت اوزگریش اوچون مستقیم شکل ده شریک قیله آله دیلر.
حرمتلی مولوی عبدالکبیر، سیرت نبی ییغیلیشینی تشکیللشتیرگنلرگه منتدارچیلیک قیلیب، اوقیتووچیلر همده استادلر تعلمی مرکزلرده ییغینلر اوتکزیش بیلن ینگی نسل گه اسلامی اخلاق و نبی کیریم (ص) سیرتی باره سیده معلومات بیریشی کیره ک.#
