افغانستان اسلام امیرلیگی ریاست الوزراء باش وزیری الحاج حرمتلی ملا محمدحسن آخند بوگون توشدن آلدین ایران اسلام جمهوریتی تشقی ایشلر وزیری حرمتلی داکتر سید عباس عراقچی باشچیلیگیده او مملکت نینگ کابل گه کیلگن هیات بیلن ارگ ده اوچره شیب ملاقات قیلدی.
دستلب حرمتلی الحاج ملا محمد حسن آخند حرمتلی عراقچی همده یولداش هیاتینی خوش کیلیب سیزلر دیب، هر ایکی مسلمان و ایناغه مملکت اورته سیده بوندی دیپلوماتیک، سیاسی و اقتصادی علاقه لر کوچه یشی و رواجله نیشی اوچون بو قبیل سفرلرنینگ کوپه یشی کیره‌ک دیدی.
ایران تشقی ایشلر وزیری حرمتلی سید عباس عراقچی افغانستان و ایران نینگ تاریخی، دینی و اقتصادی مناسبتلری توغریسیده اشاره قیلیب، قیرق ییل دن کیین افغانستان ده عمومی امنیت مستحکملنگن و یوقاری سطح ده دیپلوماتلرنی قبول قیلیش و علاقه لر کینگه یشی ایران اسلام جمهوریتی افغانستان اسلام امیرلیگی نینگ کوچلی علاقه سینی کورسته دی دیدی.
حرمتلی عراقچی نینگ سوزلریگه کوره، ایران امنیتی و برقرارلیگی افغانستان امنیتی و برقرارلیگی بیلن باغلیق دیر و افغانستان ده گی سونگی رواجله نیشلر بیزنی شو نتیجه گه آلیب کیلدی که همکارلیکلریمیزنی اسلام امیرلیگی بیلن آلدین دن کوره کوپه یتیرسک.
شونینگدیک ایران تشقی ایشلر وزیری مملکتیده گی افغان مهاجرلری قیینچیلیگینی تیرگش و سوو موضوعیگه اشاره قیلیب ایتیشیچه، بو موضوعلر همکارلیکلر رواجله نیشیگه سبب بولیشی کیره ک و ایران ایسه ناقانونی مهاجرلرنی آبرومندانه مملکتلریگه قیتیریش اوچون متعهد دیر.
اونینگ قوشیمچه قیلیشیچه، ایران هیچ بیر پیت افغانستان ایچکی سیاسیتیگه اره له شیش نیتی یوق و سوو معماسی حل بولیشی اوچون افغانستان و ایران اورته سیده هیرمند سووی نینگ کیلیشووی تولیق شکلده بجریلیشینی ایسته دی.
افغانستان اسلام امیرلیگی باش وزیری حرمتلی الحاج ملا محمدحسن آخند ایران و افغانستان اورته سیده هیات نینگ کیلیب کیتیشی کوپه یشینی تیلگه آلیب، اسلام امیرلیگی تفاهم آرقلی ایران بیلن قیینچیلیکلر حل بولیشنی خواهله یدی.
حرمتلی الحاج ملا محمدحسن آخند، ایناغه چیلیک و تفاهم فضاده یشش و هر ایکی ایناغه مملکت اورته سیده علاقه کوچه یشی ایکی مملکت مناسبتی تحکیمله نیشی و ایکی ملت نینگ آسایشته لیگیگه سبب بوله دی.
حرمتلی باش وزیرنینگ قوشیمچه قیلیشیچه، سوو موضوعیده افغانستان هیچ پیت ایران گه زیان ییتکزیشنی ایستمه یدی و بو توغریده ایزگو نیت بیلن بو باره ده تعامل قیله دی.
حرمتلی الجاج ملا حسن آخند ایران دن افغان مهاجرلری بیلن اسلامی و ایناغه چیلیک اصوللر اساسیده یانده شیشنی ایستب ایتیشیچه، تاریخ دوامیده کینگ کولملی اقتصادي معمالر طفیلی افغانستان دن ایرانگه مهاجر بولگن افغانلرنینگ قیسقه مدتده باشقریش امکانی بولمه‌یپتی و ایراندن بو باره‌ده باسقیچمه-باسقیچ چاره‌لر کوریشنی سوره‌دی.
حرمتلی باش وزیرنینگ ایران ده افغان مهاجرلری نینگ اوشله‌نیشی باره‌سیده اشاره قیلیب، قوشنیچیلیک و مهربانلیک یوزه‌سیدن اولر بیلن یانده‌شیلیشی کیره‌ک دیدی.#
