افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون ساغلیقنی سقلش وزیرلیگی نینگ بیر قنچه رسميلری و داکترلری بیلن اوچره‌شدی.
اوشبو ییغیلیشده مسووللر و داکترلر اوز ایشلری حقیده معلومات بیریش بیلن بیرگه، ساغلیقنی سقلش ساحه‌سیده‌گی سونگگی اوزگریشلرنی تیلگه آلیب، اسلام امیرلیگی نینگ غلبه‌سیدن سونگ باشقه ساحه‌لر قطاری ساغلیقنی سقلش ساحه‌سیده هم ایجابي اوزگریشلر عملگه آشیریلگنینی تأکیدله‌دیلر.
ساغلیقنی سقلش ساحه‌سیده کوپلب ینگی لایحه‌لر حیاتگه تطبیق ایتیلیشی بیلن دولت شفاخانه‌لریده احتیاجمندلرگه خدمت کورسه‌تیش ینه‌ده یخشیلنیشی و موجود معمالرگه برهم بیریلیشینی قوشیمچه قیلدیلر.
شونینگدیک، اَیریم معمالرنی حل ایتیش و طبیات خادملری نینگ علمي صلاحیتینی آشیریش مقصدیده اوز پیشنهادلرینی ریاست الوزراء حرمتلی سیاسي اورین‌باسری بیلن اورتاقلشدیلر.
ریاست الوزراء سیاسي اورین‌باسری حرمتلی مولوی عبدالکبیر ساغلیقنی سقلش مسووللری و داکترلرنی خوش کیلدینگیز دی ایکن، اولر نینگ ساغلیقنی سقلش ساحه‌سیده‌گی سعی و حرکتلرینی یوقاری بهاله‌دی و افغان طبیات خادملری آغیر شرایطلرده افغانستان خلقی و اسلام امیرلیگیگه خدمت کورسه‌تیشینی قوشیمچه قیلدی. اولرنی ضرور جهازلر بیلن تأمینلشگه حرکت قیلینیشینی تیلگه آلدی.
حرمتلی سیاسی اورین باسر نینگ ایتیشیچه، اسلام امیرلیگی افغان کادرلری قولی بیلن مملکتده‌گی ساغلیقنی سقلش ساحه‌سینی اوزینی-اوزی تأمینلش اوچون حرکت قیله باشله‌دی. شونینگدیک، او مذکور داکترلرنی اولر نینگ پیشنهادلرینی کوریب چیقیلیشیگه ایشانتیردی.#
