افغانستان اسلامی امارت ریاست الوزراء سیاسی ایشلر بوییچه اورین باسری حرمتلی مولوی عبدالکبیر بوگون بیرلشگن ملتلر تشکیلاتی نینگ افغانستان بوییچه انسان حقوقلری مخصوص وکیلی حرمتلی ریچارد بنیت و یولداش هیاتی بیلن اوچره شیب ملاقات قیلدی.
اوشبو اوچره شووده بیرینچیدن ریچارت بنیت ریاست الوزراء نینگ حرمتلی معاونی گه اوزی نینگ ماموریتی، ایش لایحه سی و اوزی نینگ افغانستانگه بولگن سفری حقیده معلومات بیریشدی.
جناب ریچارد افغانستان حقیده گی عاموی اخبارات واسطه لری و میش – میشلرگه تیه نیشنی ایسته مسلیگینی، لیکن بو ییرده گی انسان حقوقلری احوالینی اوز کوزلری بیلن کوریشنی، حساباتلرنی اورگنیشی، توغر و نا توغریلیگنی بهالشنی و بیرلشگن ملتلر تشکیلاتیگه پیشنهادلرینی تقدیم ایتیش ایستشنی ایتدی.
خاتین قیزلرنینگ دولت باشقروده گی اورنی، قیزلرنینگ تعلمی و ایش بیلن تامینله نیشی، عیاللرنینگ حجابی، مطبوعات ایرکین لیگی، قماقخانه لر حالتی، کینگ قمراولی حکومت نینگ تشکیللش، فقرالیک جمعیتی مقامی، ساغلیقنی سقلش و اقتصادی احوال حقیده حرمتلی مولوی عبدالکبیردن معلومات ایسته دی.
ریاست الوزراءنینگ معاونی حرمتلی مولوی عبدالکبیر جناب ریچاردگه بو باره ده معلومات بیردی. اونینگ ایتیشیچه، افغانستان بیرلشگن ملتلر تشکیلاتی نینگ سابق اعضاسی بولگن و حلیگیچه اسلام گه ضد بولمه گن برچه شرطنامه و کنواسیونلرگه صادق قاله دی.
ایریم عاموی اخبارات واسطه لری افغانستان حقیده نا توغری خبرلر ترقه تیب، آدملرنینگ آنگینی بیزاوته قیله یاتگنینی ایتیب، انسان حقوقلری اله قچان کفالتلگن، هندو و سیکلر شامل افغان ایرکک و عیاللری نینگ امنیتی تامینلگن دیر. حجاب افغانستانلیکلرنینگ دینی و کلتوری دیر هر بیر افغانستانلیک عیال اوزینی حجاب ده تینچ احساس ایته دی.
اونینگ کوپه یتیریشیچه، بو ییرده عدالت تامین حکومت ده بوتون افغانلرنینگ نماینده لری بار، سابق حکومت نینگ برچه خادملریگه عمومی عفو اعلان قیلیندی، افغانستانلیک شخصیت لر بیلن تماس آلیش اوچون کمیسیون اوز فعالیتیگه باشله گن دیر.
ریاست الوزراء سیاسی اورین باسری حرمتلی مولوی عبدالکبیر انتقامی اولدیریش و قماقخانه لرده گی محبوسلرنی اولدیریش توغریسیده گی گزارش لرنی رد قیلدی.
حرمتلی مولوی عبدالکبیر جناب ریچاردگه منتدارچیلیک بیلدیریب نا توغری گزارشلرگه تکیه قیلیش اورنیده حقیقت نی اورگه نیش اوچون اوزی چیققنیدن ممنونلیک بیلدیردی.
