افغانستان اسلام امیرلیگی نینگ سیاسي اورین باسری حرمتلی مولوی عبدالکبیر بوگون کابلده جاپان ایلچیسی تاکایوشی کورومایا بیلن اوچرهشدی.
اوچرهشوو اوّلیده جناب تاکایوشی کورومایا کابل ده گی سونگی واقعه اوچون همدرلیک بیلدیریب قارهلهدی.
جناب کورومایا اسلام امیرلیگی نینگ مخدرماده قرشی جدّي و ثمرهلی کورهشینی یوقاری بهالهدی و جاپان نینگ افغانستانگه یاردمی دوام ایتیشیگه ایشانتیردی.
اونینگ سوزلریگه کوره، جاپان مخدرماده گه قرشی کورهش اوچون اون میلیون دالرلیک یاردم کورسهتیشینی اعلان قیلگن دیدی.
اونینگ قوشیمچه قیلیشیچه، جاپان حکومتی افغانستان نینگ تاریخي میراثی و یادگارلیکلرینی حمایه قیلیش و تیگیشلی اداره لر قابلیتینی آشیریش مقصدیده کابلدهگی ملي موزیمگه اوچ یوز مینگ دالر اجرهتیشنی ریجهلشتیرماقده.
جناب کورومایا ایکّی دولت اورتهسیدهگی مناسبتلرنی مستحکملشگه علیحده توختهلر ایکن، اونینگ مملکتی افغانستان نینگ ۹ ولایتیده ۱۶۵ ته باشلنغیچ مکتب قوریشنی ریجهلشتیرهیاتگنینی ایتدی.
جاپان نینگ کابلدهگی ایلچیسی جاپان افغان جمعیتی قدریتلرینی حرمت قیلیشینی، تاکها اسلام امیرلیگی ترقیاتینی کوزهتیب بارهیاتگنینی، شونینگدېک، مملکت G ۷ دولتلری و اسلام امیرلیگی اورتهسیده علاقهلرنی اورنهتیشگه حرکت قیلهیاتگنینی توشونتیردی.
ریاست الوزراء سیاسی اورینباسری مولوی عبدالکبیر جاپان ایلچیسینی خوش کیلیب سیز دیب، مملکتگه افغانستان بیلن تورلی ساحهلرده کورسهتیلهیاتگن یاردم و همکارلیک اوچون منّتدارچیلیک بیلدیردی.
محترم مولوی عبدالکبیر افغانستان نینگ جاپان بیلن مستحکم علاقهلریگه توختهلر ایکن، کابل و توکیو اورتهسیدهگی مناسبتلر جوده مهم و هر ایکّی تامان اوچون فایدهلی ایکنینی تأکیدلب، جاپان نی اسلام امیرلیگی تشقی سیاستی نینگ مهم قِسمی صفتیده هم تیلگه آلدی.
حرمتلی سیاسی اورین باسری اسلام امیرلیگی اوچینچی دوحه اوچرهشوویدهگی وعدهلر تیز آرهده عملگه آشیشیگه امید قیلیشینی قوشیمچه قیلدی و اسلام امیرلیگی مسوولیتلی حکومت صفتیده اوزی و هیچ کیم نینگ یاردمیسیز برچه وعدهلرنی بجرگنینی تأکیدلهدی.
محترم مولوی عبدالکبیر اوز سوزی نینگ آخریده اسلام امیرلیگی نینگ مخدر مادّهلرگه قرشی کورهش بوییچه عالي کمیسیون تیز آرهده عملی ایش باشلشینی همده همکارلیک قیلووچی ادارهلر بیلن ییغین اوتکزیشینی توشونتیردی.#