حج ملی کمیته سی نینگ ایری – ایری ییغینلری سه شنبه، پنچ شنبه و یکشنبه ثور نینگ ۲۷، ۲۹و جوزا نینگ بیرینچی کون افغانستان اسلامی امارت ریاست الوزراء اداری معاون حرمتلی مولوی عبدالسلام حنفی باشچیلیگده کمیته اعضالری اشتراکیده بولیب اوتدی.
بو ییغینلرده بو ییل حج پروسه سی قنده ی لیگی باره سیده بحث و فکر و ملاحظه آلیب باریلگندن سونگ، لازم قرارلر آلیندی.
مذکور کمیته نینگ بوگونکه ییغیلیشیده ایریم مساله لر جمله دن استخبارات عمومی ریاستی و ایچکی ایشلر وزیرلیگی تامانیدن ترتیب بیریلگن امنیتی طرح، حاجیلرگه قنده ی پاسپورت توزیع ایتیش، آریانا و کام ایر شرکتلری آرقه لی حاجی لرنی آلیب کیتیش، حاجیلرنینگ واکسینی و باشقه بیر قنچه موضوعلر اوستیده بحث قیلیندی.
