افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون سپیدار قصریده ایریم ولایتلرنینگ بیر قنچه قوم بویوکلری، خوست ولایتی صبری اولسواللیگی مجاهدلری و تورلی اداره لر مسووللری بیلن اوچره شدی.
اوشبو اوچره شووده مذکور قوم بویوکلری همده دین عالملری نینگ ایتیشلریچه، افغانستانده اسلامی نظام مستحکمله نیشی برچه افغانلرنینگ آرزوسی ایدی و شونینگ اوچون هم قربانلیک بیردیلر. شونینگدیک اولر مملکت بویلب عمومی عفو اعلان قیلینیشینی مختب کوپه یتیریشلریچه، حاضر برچه افغانلر مملکت ده شرف بیلن یشه یدیلر.
شونینگدیک اوشبو مجاهدلر مملکت بویلب خوفسیزلیک تامین ایتیلگنیگه اشاره قیلیب، برچه اهالی مملکت نینگ هر بیر محل و منطقه سیگه سفر قیله آله دیلر دیب ایتدیلر.
ریاست الوزراء سیاسی اورین باسری حرمتلی مولوی عبدالکبیر اولرگه اوز منتدارچیلیگینی بیلدیریب، عمومی عفو اعلان قیلینگندن سونگ هیچ کیمگه تکلیف یوق و هر بیر افغان آزاد شکلده اوزی نینگ اولکه سیده یششگه حقی بار دیب تیلگه آلدی.
اونینگ کوپه یتیریشیچه، افغانلرنینگ مبارزه سی اسلامی نظام اوچون ایدی و بوگون ایسه الحمدالله اسلامی نظام برقرار بولدی. شونینگدیک او، اشغالگه قرشی افغانلرنینگ برچه مبارزه لرینی آلقیشلب مخته دی.
ریاست الوزراء سیاسی اورین باسری، ایندی ایسه مملکت نی قوریش وقتی دیر و اولکه نی آباد و قیته قوریشده بوتون اولکه داشلریمیز قولمه قول بولیشی کیره ک.#
