افغانستان اسلام امیرلیگی ریاست الوزراء سیاسی اورین باسرلیگی نینگ عمومی دفتری باشلیغی مولوی ذاکر بوگون یوناما سیاسی بولیمی مسوولی سکات سمیت بیلن کوریشدی.
اوشبو اولتیریش ده دستلب سکات سمیت جنابلری افغانستان باره سیده دوحه اوچینچی ییغنی آجنداسی باره سیده معلومات شریک قیلیب ایتیشیچه، اسلام امیرلیگی نینگ نماینده لری اشتراک قیلیشی کوتیله دیگن دوحه اوچینچی ییغینی قیین چیلیکلر حلی و تعامل اوچون مثبت بیر قدم دیر.
اونینگ کوپه یتیریشیچه، اوشبو اولتیریش اوزاق مدت دن سونگ اسلام امیرلیگی و خلق ارا همجمعیت اورته سیده یوزمه یوز ملاقات و اوز ارا همکارلیک اوچون ینه بیر بار یخشی اساس یره تدی.
جناب سمیت گه کوره، دوحه ده بولیب اوته دیگن ییغیلیش ده اسلام امیرلیگی نینگ اشتراک ایتیشی و افغانستان بیلن باغلیق مساله لر بوییچه اشتراکچی دولت و تشکیلاتلر وکیللر بیلن مذاکره باشلنگنی کته یوتوق دیر.
او اسلام امیرلیگی سیاسی کمیسیونیگه نوبت ده گی ییغیلیش بیلن همکارلیک قیگنی اوچون منتدارچیلیک بیلدیردی و یونامانینگ اساسی اعتباری حاضرگی افغانستان حکومتیگه قره تیلیشی، بیلن حکمران تیزیم صفتیده بحث قیلیشی و افغانستان مناسبتلری بولیشی ممکن لیگینی تاکیدله دی.
یوناما سیاسی بولیمی باشلیغی دوحه ده گی اوچره شوونی اسلام امیرلیگی و خلق ارا همجمعیت اورته سیده گی یوزمه یوز علاقه لر و اوچره شوولرنی دوام ایتیریش اوچون اینگ یخشی امکانیت دیب تاکیدله دی، بونینگ نتیجه سیده افغان دهقانلریگه یاردم کوپه ییشی ممکن خصوصی سکتور آرقلی ایش اورینلری یره تیلماقده.
او نطقی سونگگیده جناب سمیت افغانستانده گی سونگگی اوزگریشلرنی تیلگه آلیب، افغانستان اوروشلردن چیققنی و بو بیلن همکارلیک قیلیش کیره کلیگینی ایتدی.
ریاست الوزراء سیاسی اورین باسرلیگی عمومی دفتری باشلیغی مولوی ذاکر یونما سیاسی بولیمی نینگ مسوولی همده یولداش هیاتینی خوش کیلیب سیزلر دیب، بیرلشگن ملتلر تشکیلاتی نینگ افغانستان بوییچه یاردم ماموریتی و همکارلیکلریدن منتدارچیلیک قیلیب، اسلام امیرلیگی کیلگوسی کونلرده دوحه ده اوتکزیله دیگن ییغین نتیجه سینی کوته دی تاکه اسلام امیرلیگی بیلن دنیا اورته سیده تعامل کوپیسین.
حرمتلی مولوی ذاکر افغانستان اقتصادی وضعیتینی نظرده توتگن حالده، افغانلرنینگ اقتصادی کوچه یشی اوچون یاردم بولیشی ضرور و اسلام امیرلیگی دنیا بیلن اوز همکارلیگی و تعاملینی کینگه یتیریشنی خواهله یدی دیدی.
شونینگدیک او یوناما نینگ مسووللریگه، دوحه ییغینی باشقه تامانلرنینگ تاثیری آستیگه کیتمس لیگی اوچون تلاش بولیشی کیره ک و مثبت نتیجه گه اولویت بیریش کیره ک دیدی.
او اوزی نینگ صحبتلریده یوناما همکارلیگینی افغانلر اوچون ثمره لی دیب یونامادن اوز گزارشلریده افغانستان حقیقتلریگه اعتبار قره تیشنی سوره دی.#
