افغانستان اسلام امیرلیگی ریاست الوزراء سیاسی اورین باسرلیگی نینگ دفتری عمومی باشلیغی مولوی ذاکرالله ذاکر بوگون کابل ده اسلامی همکارلیک تشکیلاتی ایلچیسی محمد سعیدالعیاش بیلن اوچره شدی.
بو اوچره شووده اسلام امیرلیگی و اسلامی همکارلیکلر تشکیلاتی اورته سیده گی همکارلیکلر باره سیده صحبت بولدی، حرمتلی محمدسعید العیاش نینگ سوزلریگه کورهُ اسلامی همکارلیک تشکیلاتی افغانستان بیلن اوزی نینگ همکارلیک و یاردملریگه قیزیقه دی.
اونینگ سوزلریگه کوره، اسلام امیرلیگی یخشی مناسبت همکارلیگینی مختب ایتیشیچه، حاضر اسلامی همکارلیک تشکیلاتی افغانستان ده بیر قنچه قیته قوریش پروژه لر ایشنی آلغه آلیب بارماقده و ییریک استقورمه پروژه لرگه هم سهم آله دی.
ریاست الوزراء سیاسی اورین باسرلیگی دفتری عمومی باشلیغی مولوی ذاکرالله ذاکر اسلامی همکارلیکلر تشکیلاتی نینگ تورلی بولیملرده افغانستان گه کورستگن یاردملریدن منتدارچیلیک قیلیب، مذکور تشکیلات نی اسلام دنیاسینی بیرلشتیریش اوچون بیر سمبول دیدی.
حرمتلی ذاکر جنابلریگه کوره، اسلام امیرلیگی اسلامی اصول یاروغلیگیده برچه مملکت لر بیلن مثبت علاقه ده بولیشنی خواهله دی و اسلام دنیاسی افغانستان بنیادی، دینی، علمی و فرهنگی پروژه لرگه سهم آلیشلرینی سوره دی.
بو اوچره شوو سونگیده کابل ولایتی چهار آسیاب اولسواللیگی قوم بویوکلری نینگ پیشنهادی اساسیده سوو ییتکزیش بیر ترماق و یریم قالگن بیر مسجد نینگ ایشی تکمیل بولیشی خصوصیده ریاست الوزراء سیاسی اورین باسرلیگی نینگ تلاشی نتیجه سیده اسلامی همکارلیکلر تشکیلاتی و ریاست الوزراء سیاسی اورین باسرلیگی دفتری عمومی باشلیغی اورته سیده امضالندی بونینگ اساسیده مذکور پروژه نینگ ایشی اسلامی همکارلیک تشیلاتی تامانیدن تکمیل قیلنه دی.#
