ایشلرنی یخشیلش، هماهنگلیک و تیزلشتیریش مقصدیده قوشمه اداری ییغین بوگون افغانستان اسلام امیرلیگی ریاست الوزراء عمومی دفتری مقامی باشلیغی حرمتلی داکتر ملا عبدالواسع باشچیلیگیده ارگ نینگ چهار چنار قصریده بولیب اوتدی.
ریاست الوزراء عمومی دفتری مقامی نینگ اورین باسرلری، ریاست الوزراء سیاسی همده اداری اورین باسرلیکلری نینگ عمومی دفتر باشلیغلری، اوشبو اداره نینگ ایردیم اداره لری باشلیغلری همده مسووللری حضوریده بولگن اوشبو ییغین ده، دستلب حرمتلی داکتر ملا عبدالواسع آلدینگی جلسه لر نتیجه سینی ایجابی بهالب ایتیشیچه، بوندی ییغینلر ایشلرگه آسانلیک آلیب کیشی و اداره لر اورته سیده یخشی همکارلیک ایجاد بولیشی اوچون امید قیله من.
ریاست الوزراء عمومی دفتری مقامی نینگ باشلیغی بو ییغینلردن مقصد تورلی امور اوستیده صحبت قیلیش، قیینچیلیکلرگه حل یول تاپیش، لازم قولیلیکلر ایجاد قیلیش، مسوولیتلرگه اعتبار قره تیش، معلومات المه شیش، کمچیلیکلرنی برطرف ایتیش و اصلاحات کیلتیریش دیب ایتدی.
شونینگدیک ریاست الوزراء مقامی دفتری باشلیغی نینگ سوزلریگه کوره، ریاست الوزراء حرمتلی باشلیغی نینگ هر دایم هدایتی خلق آوازینی ایشیتیش و اولرنینگ پیشنهادلری و قیینچیلیکلری حل بولیشی اوچون مسووللرگه ییتکزیش دیر.
کیینچه لیک ریاست الوزراء عمومی دفتری اورین باسرلری، سیاسی همده اداری اورین باسرلیک دفتری باشلیغلری، منابع بشری باشلیغی، اسلام امیرلیگی نینگ سوزلاوچیسی اورین باسری، تدارکات باشلیغی و باشقه مسووللر خدماتی، حفظ و مراقبت، کیلیشوولرده گی آچیقلیک، ساتیب آلیش و سوانح لر ترتیب بیریلیشی کبی موردلرده اوز پیشنهاد و نظرلرینی ریاست الوزراء عمومی دفتری مقامی باشلیغی بیلن شریک قیلدیلر.
