اداری کمیسیون جلسه‌سی بوگون توشدن آلدین افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی باشچیلیگیده کمیسیون نینگ حرمتلی اعضالری اشتراکیده بولیب اوتدی.
اوشبو جلسه‌ده دستلب تعین بولگن کمیته‌لر تاپشیریلگن ایشلر بجریلگنی توغریسیده اوز گزارشلرینی بیلدیردیلر.
سونگ معارف، اطلاعات و فرهنگ، ترانسپورت و هوا یوللری وزیرلیکلری قوشیمچه کابل شاروالیگیگه تیگیشلی موضوعلر اوستیده هر تامانلمه بحث آلیب باریلگندن کیین لازم تصمیم آلیندی.
اوشبو جلسه سونگیده آجنداگه شامل بولگن موضوعلر اوستیده کوپراق تدقیق بولیش مقصدیده ایری کمیته‌لرگه وظیفه تاپشیریلدی.#
