افغانستان اسلام امیرلیگی باش وزیری حرمتلی الحاج ملامحمد حسن آخند بوگون ایرتهلب افغانستان و ترکمنستان اورتهسیدهگی نفت و گازنی رواجلنتیریش لایحهلری (تیل و گاز، انرژی و ترانسپورت) آچیلیش مراسمیده اشتراک قیلیش مقصدیده دولت نینگ یوقاری مرتبهلی هیاتی باشچیلیگیده ترکمنستان نینگ اسلیم چشمه، ماری منطقهسیگه باردی.
ریاست الوزراء باش وزیری اسلیم چشمه ماری منطقهسیگه باریشی بیلن ترکمنستان تشقی ایشلر وزیری رشیدمرادوف و باشقه بیر قنچه رسمیلر تامانیدن خوش قرشیلندی.
کیینچهلیک افغانستان اسلام امیرلیگی حرمتلی باش وزیری ترکمنستان اسلیم چشمه، ماری منطقهسیده تورهدیگن جاییده ترکمنستان ملی رهبری قربان قلی بیردی محمدوف بیلن اوچرهشدی.
ریاست الوزراء اقتصادی ایشلر بوییچه اورین باشری حرمتلی ملا برادر حضوری بولگن بو اوشبو اوچرهشووده افغانستان اسلام امیرلیگی باش وزیری و ترکمنستان ملی رهبری ایکّی دولت اورتهسیدهگی علاقهلرنی رواجلنتیریش مهملیگینی و ترکمنستان نینگ ایکّی دولت اورتهسیدهگی رواجلنتیریش لایحهلرینی عملگه آشیریش نینگ خلق اوچون فایدهلی ایکنلیگینی تأکیدلهدیلر.
اوشبو اوچرهشوودن سونگ افغانستان اسلام امیرلیگی باش وزیری حرمتلی الحاج ملا محمد حسن آخند و ترکمنستان جمهور رییسی سردار بیردی محمدوف اقتصادی مرکزیده ملي رهبر قربان قلی بیردی محمدوف سالونیده بولیب اوتگن ویدیو کنفرانسگه تشریف بویوریب بیر قنچه رواجلنتیریش لایحهلر نینگ رسمی آچیلیش مراسمی مناسبتی بیلن نطق سوزلهیدی.#
