افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون ازبکستان نینگ کابلده گی ایلچیسی حرمتلی خواجه یادگار شادمانوف بیلن خیرلشوو اوچره شدی.
سپیدار قصریده بولیب اوتگن بو اوچره شووده دستلب ازبکستان ایلچیسی افغانستانده اوزی نینگ دیپلوماتیک ماموریتی جریانیده اسلام امیرلیگی همکارلیگیدن منتدارچیلیک بیلدیریب، افغانستان و ازبکستان نینگ دوست اولکه سی دیر هر ایکی تامانلمه مناسبت چوقور دوستلیککه استوار دیر.
حرمتلی شادمانوف افغانستان ده اوزی نینگ ماموریتی دوامیده کابل و تاشکینت علاقه لری کینگه شی اوچون خاص توجه قیلگنیگه اشاره قیلیب ایتیشیچه، ازبکستان رسمیلری افغانستان بیلن سیاسی و اقتصادی علاقه کوپه یشینی ایسته یدیلر.
اونینگ تاکیدله شیچه، ازبکستان باش وزیری نینگ افغانستانگه سفر آقیمیده ایکی تامانمله بجریلگن اقتصادی همکارلیک بوییچه ایش عملده باشلنگن دیر. شونینگدیک یقین کیله جک ده ازبکستان بیر هیاتی برق بولیمده گی همکارلیک و آمو دریا قیرغاغی مستحکمله نیشی مقصدیده کابل گه سفر قیلیشینی ایتدی.
عین حالده خواجه شادمانوف جنابلری افغانستان ینگی ایلچیسی نینگ تاشکند ده ایشی باشله نیشینی تیلگه آلیب، ازبکستان تخنیکی تیملری افغانستانده گی سابق ایشلب چیقاریش کارخانه لرنی قیته قوریشنی ریجه لشتیرگنلر دیدی.
ریاست الوزراء سیاسی اورین باسری حرمتلی مولوی عبدالکبیر، کابل ده خواجه یادگار شادمانوف نینگ دیپلوماتیک ماموریتی و افغانستان همده ازبکستان اورته سیده گی مناسبت کینگه شی اوچون آلیب بارگن سعی و تلاشلرینی مختب، تاشکند ببلن اسلام امیرلیگی علاقه سی مناسب بیر حالت ده بولگنینی تیلگه آلدی.
حرمتلی مولوی عبدالکبیرنینگ قوشیمچه قیلیشیچه، افغانستان حکومتی اوزی نینگ تعهدلرینی عملی قیلگن و هیچ بیر پیت افغانستان توپراغیدن قوشنی مملکتلر و دنیاگه ضرر ییتکزیلمه یدی.
حرمتلی سیاسی اورین باسر اوزی نینگ سوزلریده، اسلام امیرلیگی اوزی نینگ مستقل سیاستیده مثبت تعامل اولویت بیره دی و منطقه ده اقتصادی پروژه نینگ بیر بولیمینی بولیشنی خواهله یدی و شونینگدیک بحث بولیشی کیره ک بولگن موضوعلرنی مذاکره ٰآرقلی حل قیلیشنی نظرده توتگن.
شونینگدیک حرمتلی مولوی عبدالکبیر ازبکستان استخبارات باشلیغی نینگ افغانستان باره سیده تیلگه آلگن اظهاراتلرینی خوش قرشیلیب کوپه تیریشیچه، سونگی اوچ ییل ایچیده افغانستان ده تورلی بولیملرگه کوزگه کورینرلی رواجله نیش کیلگن مخدر ماده نی ایشلب چیقاریش، ایکیش و قاچاق ایتیش صفرگه یقینلشگن دیر دیب قوشیمچه قیلدی.
