افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ ارغندیوال خیریه موسسه‌سی نینگ باشلیغی حرمتلی میرویس ارغندیوال بیلن اوچره‌شدی.
اوشبو اوچره‌شووده دستلب حرمتلی میرویس ارغندیوال، ارغندیوال خیریه موسسه‌سی نینگ ایشلری، فعالیتی و برنامه‌لری باره‌سیده ریاست الوزراء اداری اورین باسرلیگیگه معلومات بیردی.
حرمتلی ارغندیوال نینگ سوزلریگه کوره، اوشبو موسسه افغانستان خلقی‌گه کمک قیلیش و تعلیم و تربیه اوچون مملکت نینگ ایریم ولایتلریده نیچه‌ته مکتب‌نی اساس قویگن و مملکت نینگ ۳۴ ولایتیده ینه هم ۶۴ ته مکتب نی اساس قویماقچی. شونینگدیک ولایتی شفاخانه‌لرگه هم امبولانس همده لابراتوار و دارو یاردم بیره‌دی.
ارغندیوال موسسه‌سی نینگ باشلیغی بولر مملکت نینگ تورلی ولایتلریده مردم نینگ آسایشی یوقاری آلیب باریلیشی مقصدیده زراعتی فارملرنی یولگه تشله‌ماقچی دییه بو توغریده اسلام امیرلیگی مسووللری نینگ همکارلیگینی ایسته‌دی.
کیینچه‌لیک ریاست الوزراء اداری اورین باسری حرمتلی مولوی عبدالسلام حنفی حرمتلی میرویس ارغندیوال بیلن اوچره‌شگنیدن خورسندلیک قیلیب، بو موسسه نینگ ایشلری همده فعالیتلریدن تشکرلیک قیلدی.
ریاست الوزراء اداری اورین باسری نینگ قوشیمچه قیلیشیچه، افغانستان برچه افغانلرنینگ مشترک اویی دیر همه وطنداشلریمیزنینگ مملکت ده مالی و جانی مصئون بوله‌دی دیب چیت ایلده یشاوچی وطنداشلریمیزدن مملکت‌گه قیتیب کیلیب اولکه قیته قوریلیشی اوچون حصه قوشیشلرینی ایسته‌دی.
ریاست الوزراء اداری اورین باسری اوزی‌نینگ صحبتلری اداغیده امیرلیگی افغانستان مردمیگه کمک قیلیش اوچون اولر بیلن هر قنده‌ی همکارلیککه تیار دیب ایتدی.#
