افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون کابل شهریده محمدیه دارلعلومی فضلالری فراغتی مناسبتی بیلن اوتکزیلگن ییغین ده اشتراک قیلیب نطق سوزله دی.
انه شو مناسبت بیلن اویوشتیریلگن ییغین ده امربالمعروف، نهی المنکر و شکایتلرنی ایشیتیش وزیرلیگی سرپرستی، اورین باسرلر، دین عالملری، حکومت مسووللری و بیر قنچه تینچ اهالی اشتراک قیلگن ایدیلر.
دستلب امر بالمعروف، نهی المنکر و شکایتلرنی ایشیتیش وزیرلیگی سرپرستی شیخ محمد خالد حنفی فارغ بولگن عالملرنی تبریکلب ایتیشیچه، علم اورگنیش بیلن الله رضاسی و وطن گه خدمت قیلیش نظریده توتینگلر.
شونینگدیک ریاست الوزراء سیاسی اورین باسری حرمتلی مولوی عبدالکبیر فارغ بولگن عالملرنی تبریکلب، افغانلر مملکتلریگه حاکمیت آلیب کیلیش بیلن، شریعتنی تطبیق و امنیت الیب کیلگنلر دیدی.
حرمتلی سیاسی اورین باسری اوزی نینگ صحبتلریده اسلام امیرلیگی پیروزلیگیدن کیین مدرسه طلبه لر یوزیگه و بیلیم یورتلری ایسه محصللر یوزیگه آچیلدی دیب قوشیمچه قیلدی.
اونینگ ایتیشیچه، اسلام امیرلیگی نینگ سیاسی و اقتصادی علاقه سی کینگه‌یگن دیر و ایریم اولکه لرنینگ افغانستان حکومتی بیلن یخشی مناسبتی یخشی بولگن.
ریاست الوزراء سیاسی اورین باسری مهاجرلرگه میزبانلیک قیله دیگن مملکتلردن افغان مهاجرلرینی زوردن چیقارمسلیگی و اولرگه اوز ایستکلری بیلن مملکتلریگه قیتیب کیلیشلریگه رخصت بیریشنی سوره‌دی.
عین حالده اونینگ قوشیمچه قیلیشیچه، اسلام امیرلیگی سابق نظاملرگه قرشی، اقتصاد رواجله‌نیشی اوچون لازم چاره تدبیرلر کورگن ایچکی قابلیت لردن تولیدگه ایش آلیش مقصدیده تلاشلر جریانی بار دیدی.
حرمتلی مولوی عبدالکبیر اوشبو ییغین یکونیده ینه بیر یوله فارغ بولگنلرنی تبریکلب اولرنی نقدی ساوغه بیردی.#
