افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ چیت ایلدن مملکت گه قیتیب کیلگن بیر قنچه شخصیتلر بیلن اوچره شیب ملاقات قیلدی.
بو اوچره شووده بیرینچیدن مذکور شخصیتلر مملکت بویلب امنیت تامینله نیشی و اهالی نینگ قیینچیلیگی تیرگه لیشی یولیده اسلام امیرلیگی مسووللری نینگ زحمت و تلاشلریدن خوشحاللیک قیلدیلر. اولرنینگ سوزلریگه کوره، مملکت ده رفاه و آسایشته لیک یره تیلگنی باعث چیت ایل دن شخصیتلرنینگ اولکه گه قیتیب کیلیشی زمینه یره تیلگن و بو ایسه اسلام امیرلیگی اوچون ییریک دستآور حسابلنه دی.
شونینگدیک اولر اسلام امیرلیگی نینگ مسووللری همده بویوکلریدن مملکت نینگ تورلی منطقه لریده ترقیات پروژه لر تطبیق ایتیلیشی و وطنداشلرگه ایش فرصتلری یره‌تیلیشی توغریسیده خاص توجه قیلیشلرینی ایسته دیلر.
کیینچه لیک ریاست الوزراء اداری اورین باسری حرمتلی مولوی عبدالسلام حنفی اوچره شوودن خرسندلیک قیلیب ایتیشیچه، امنیت تامینله نیشی، اجتماعی رفاه و مردم نینگ قیین چیلیگینی تیرگش اسلام امیرلیگی نینگ مسوولیتلریدن دیر و بو توغریده هیچ بیر سعی و تلاش نی دریغ ایتمه یدیلر.
شونینگدیک ریاست الوزراء آداری اورین باسری اوچره شگنلرگه ایشانچ بیریب ایتیشیچه، افغانستان برچه افغانلرنینگ مشترک اویی دیر و مملکت نینگ همه بویوکلری همده شخصیتلریدن اولکه نینگ آبادانلیگی و ترقیاتی توغریسیده مسووللر بیلن همکار بولیشلرینی طلب قیلدی.#
