افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ ازبکستان‌نینگ کابل‌ده‌گی ایلچیسی یادگارخواجه شادمانوف بیلن خیرلشوو اوچره‌شدی.
اون ایککی ییلدن سونگ افغانستان‌ده ازبکستان ایلچیسی صفتیده اوز ماموریتی توگه‌گن حرمتلی یادگارخواجه شادمانوف، مملکتی نینگ اسلام امیرلیگی بیلن بولگن یخشی مناسبتیدن خوشحاللیک قیلیب ایتیشیچه، بو مملکتده‌گی ماموریتی دوامیده هر ایککی مملکت نینگ تورلی بولیملرده علاقه‌سی کینگه‌شی اوچون سعی و تلاش قیلگنینی تیلگه آلدی.
شونینگدیک او، ازبکستان افغانستان بیلن اقتصادی و تجارتی بولیملرده اوزی نینگ مناسبتلرینی کینگه‌یتیریشگه حرکت قیله دی دیب اشاره قیلیب، مملکتی نینگ سرمایه یاتقیزوچیلری ایریم بولیملر جمله‌دن کانلرنی قازیب چیقاریش و انرژی بولیمگه سرمایه کیریته‌دیلر دیدی.
کیینچه‌لیک افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی ازبکستان نینگ کابل‌ده‌گی ایلچیسی حرمتلی یادگار خواجه شادمانوف بیلن اوچره‌شگنیدن خورسندلیک قیلیب، هر ایککی مملکت نینگ تورلی بولیملرده علاقه‌لری کینگه‌شی توغرسیده سعی و حرکتیدن قدردانلیک قیلیب کیله‌جک ماموریتیگه موفقیت ایسته‌دی.
ریاست الوزراء اداری اورین باسری افغانستان و ازبکستان اوزاق مدتلی تاریخی، فرهنگی و اقتصادی علاقه‌سینی تیلگه آلیب هر ایککی تامانلمه مناسبت کینگه‌شی اوستیده تاکیدله‌دی.
شونینگدیک حرمتلی مولوی عدالسلام حنفی جنابلری افغانستان اسلام امیرلیگی بو مملکت ده هر بیر بولیمگه سرمایه کیریتیشنی خوش قرشیله‌یدی تاجرلر همده سرمایه یاتقیزوچیلرگه لازم آسانلیک یره‌تیب بیره‌دی دیدی.#
