افغانستان اسلام امیرلیگی‌نینگ ریاست الوزرا سیاسي اۉرین باسری حرمتلی مولوي عبدالکبیر توناو کون چیچنیا علملر اکادمیسی باشلیغی و اونینگ یانیده‌گی هیأت بیلن سپیدار سراییده اوچره‌شدی.
اوشبو اوچره‌شووده چیچنیا علملر اکادمیسی باشلیغی بیلن بیرگه‌لیکده اونینگ اۉرین باسری نثار فرید احمدزی هم قتنشیب، اوچره‌شووچیلر چیچنیا جمهور رئیسی و روسیه فدراسیونی‌نینگ افغانستانگه جۉنتگن رسمي نماینده‌سی صفتیده قتنشگن اېدیلر.
اوچره‌شووده چیچنیا علملر اکادمیسی باشلیغی حرمتلی عروف جمبولات افغانستانده‌گی سفریدن خرسندچیلیک بیلدیریب، ایکّی مملکت آره‌سیده علمي، دیني و فرهنگي علاقه‌لر کوچه‌ییشی و اقتصادي همکارلیکلر باشلنیشی بۉییچه تأکیدلب اۉتدی.
او سۉزلریگه دوام بېریب، افغانستان بیلن روسیه اۉرته‌سیده‌گی علاقه‌لرنینگ مستحکملنیشی تۉغریسیده سعی و حرکت قیلیشی و مذکور ایکّی اۉلکه آره‌سیده تورلی ساحه‌لرده علاقه‌لر و همکارلیکلر کوچه‌ییشینی تأمینلشینی معلوم قیلدی.
ریاست الوزرا سیاسي اۉرین باسری حرمتلی مولوي عبدالکبیر مذکور هیأتگه خوش کېلیبسیز ایتیب، اسلامي مملکتلر افغانستان بیلن دیني، فرهنگي و اجتماعي یقینلیگی بارلیگینی بیلدیردی و یقینلیکلر اساسیده ایکّی تامانلمه علاقه‌لر کېنگه‌ییشینی تأمینله‌یدی دېدی.
ریاست الوزرا سیاسي اۉرین باسری کۉپه‌یتیریب، روسیه افغانستانده آستقورمه‌لر بۉییچه یخشی تجربه‌گه اېگه‌لیگینی بیلدیریب، مذکور مملکت افغانستانده قیته قوریشلر بۉییچه حصه قۉشیشی کېره‌کلیگینی تأکیدلب اۉتدی.
اونینگ کۉپه‌یتیریشیچه، اسلام امیرلیگی مملکت خوفسیزلیگینی منطقه‌نینگ خوفسیزلیگی و برقرارلیگی بیلن باغلیق بیله‌دی و اۉزی‌نینگ ملي منفعتی منطقه‌ده خوفسیزلیک تأمینلنیشی بیلن عملگه آشه‌دی.
ریاست الوزرا سیاسي اۉرین باسری اۉزی‌نینگ صحبتی آخریده، اسلام امیرلیگی برچه مملکتلر بیلن علاقه‌ده بۉلیشنی ایسته‌یدی، اما هیچ قچان اسلامي و ملي قدریتلرنی معامله قیلمه‌یدی دېب تأکیدله‌دی.
